2025 මැයි මස 07 වන බදාදා
විමුක්ති එස් රුද්‍රිගු
ජපාන ජාත්‍යන්තර සහයෝගිතා ඒජන්සියේ මූල්‍ය සහාය යටතේ ක්‍රියත්මකවීමට නියමිතව තිබූ කොළඹ සැහැල්ලු දුම්රිය ව්‍යාපෘතිය (එල්.ආර්.ටී) සම්බන්ධයෙන් රජය තවමත් ප්‍රතිපත්තිමය තීරණයක් ගෙන නැතැයි මුදල් අමාත්‍යාංශය පසුගියදා ප්‍රකාශ කළේය.
මුදල් අමාත්‍යාංශයේ විදේශ සම්පත් දෙපාර්තමේන්තුවේ අධ්‍යක්ෂ ජනරාල් ආර්.එම්.එස්.පී.එස්. බණ්ඩාර මහතා ප්‍රකාශ කළේ සැහැල්ලු දුම්රිය ව්‍යාපෘතිය සම්බන්ධයෙන් තීරණයකට එළැඹීමට පෙර ජපාන රජය සමග එම ව්‍යාපෘතිය සම්බන්ධයෙන් නැවත සාකච්ඡාවක් පැවැත්විය යුතු බවයි. ශ්‍රී ලංකා රජය, ජපාන රජය සමග ණය ප්‍රතිව්‍යුහගතකරණ ගිවිසුමට අත්සන් තැබීමෙන් පසුව පැවැති මාධ්‍ය හමුවේදී මාධ්‍යවේදියකු නැගූ ප්‍රශ්නයකට පිළිතුරු දෙමින් බණ්ඩාර මහතා මෙම අදහස් පළ කළේය.
පසුගිය යහපාලන රජය කොළඹ සැහැල්ලු දුම්රිය ව්‍යාපෘතිය ආරම්භ කිරීමට සැලසුම් කර තිබූ අතර ගෝඨාභය රාජපක්ෂ මහතාගේ රජය බලයට පත්වූ පසු එම ව්‍යාපෘතිය අවලංගු කරනු ලැබුවේය. 2021 වසරේ එම ව්‍යාපෘතිය අවලංගු කරන අවස්ථාවේ ජපාන ජාත්‍යන්තර සහයෝගිතා ඒජන්සිය එහි ප්‍රධාන අරමුදල් සැපයුම්කරු විය.
ආර්ථික අර්බුදයෙන් පසුව නැවත ආරම්භ කරන ව්‍යාපෘති 11 යටතට ඇමෙරිකානු ඩොලර් බිලියන 1.5 ක් වටිනා සැහැල්ලු දුම්රිය ව්‍යාපෘතියද ගතහැකි බව පසුගිය වසරේදී ජපානය නිවේදනය කළේය.
පසුගියදා අත්සන් තැබූ සංශෝධිත ණය ගිවිසුම යටතේ මෙරට ජපාන ණය ආසන්න වශයෙන් ඇමෙරිකානු ඩොලර් බිලියන 2.5 ක් පමණ ප්‍රතිව්‍යුහගත කළ අතර ඒ සමග ජපානය සහ ශ්‍රී ලංකාව අතර ණය ප්‍රතිව්‍යුහගතකරණය නිල වශයෙන් අවසන් විය. ඒ පිළිබඳ අදහස් දක්වමින් මෙරට ජපාන තානාපති අකියෝ ඉසෝමටා මහතා ප්‍රකාශ කර සිටියේ ශ්‍රී ලංකා රජය සහ ජපාන රජය අතර තිබෙන මෙන්ම ගුවන්තොටුපොළ සහ ගුවන් සේවා (ශ්‍රී ලංකා) සමාගම සහ ජපාන ජාත්‍යන්තර සහයෝගීතා නියෝජිතායතනය අතර තිබෙන ණයෙන් කොටසක් මෙම සංශෝධිත ණය ගිවිසුම ප්‍රතිව්‍යුහගතකරණය වූ බවයි.
ඒ අනුව මෙරට ආර්ථිකය නගා සිටුවීම සඳහා ජපන් ආධාර යටතේ ක්‍රියාත්මක වූ ව්‍යාපෘතිවල ශ්‍රී ලංකාව ගෙවීමට තිබූ ණය නැවත ගෙවීමේ කොන්දේසි අලු‍ත් වූ බවද ඔහු පැවැසුවේය. මෙරට නිල ණය හිමියන්ගේ කමිටුවේ සිටින රටක් සමග ද්වී පාර්ශ්වික ණය ප්‍රතිව්‍යුහගත කිරීමේ ගිවිසුමට අත්සන් තැබූ පළමු අවස්ථාව මෙය බවද ඔහු ප්‍රකාශ කළේය.
එහිදී ශ්‍රී ලංකා රජය වෙනුවෙන් මුදල් අමාත්‍යාංශ ලේකම් මහින්ද සිරිවර්ධන මහතා සහ ජපාන රජය වෙනුවෙන් මෙරට ජපාන තානාපති අකියෝ ඉසෝමටා මහතා හුවමාරු පත්‍ර අත්සන් කරන ලදි.
කලාපීය ආර්ථිකය ශක්තිමත් ස්ථානයක සිට තවත් ඉදිරියට ගමන් කරමින් සිටියත් ඉදිරියේදී ඇතිවිය හැකි අවිනිශ්චිතා බොහෝයි වත්මන් තත්වය පිළිබඳව කලාපයට සෑහීමකට
වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා වියට්නාමයේ වින්ගෲප් (Vingroup) සමූහ ව්‍යාපාරයේ ඉහළ කළමනාකාරීත්වය හමුවී සාකච්ඡා පැවැත්වී
ශ්‍රී ලංකා මහ බැංකුව පසුගිය අප්‍රේල් මාසයේදී මෙරට මූල්‍ය වෙළෙඳපොළෙන් ඇමෙරිකානු ඩොලර් මිලියන 160 ක ඩොලර් ප්‍රමාණයක් මිලදී ගෙන ඇතැයි නවතම දත්ත වාර්තා පෙ
අද (06) දිනයේදී පැවැත්වෙන පළාත් පාලන මැතිවරණය හේතුවෙන් කොළඹ කොටස් හුවමාරුවේ ගනුදෙනු පැය තුනකට සීමා වන බව එම හුවමාරුව පවසයි. ඒ අනුව පෙරවරු 9.30ට ආරම්භ කෙරෙන
ශ්‍රී ලංකාවේ සංචාරක කර්මාන්තය තවදුරටත් සංවර්ධනය කිරීම අරමුණු කරගනිමින් එමිරේට්ස් හා ශ්‍රී ලංකා සංචාරක ප්‍රවර්ධන කාර්යාංශය (SLTPB) ඔවුන්ගේ හවුල්කාරීත්ව
කොළඹ කොටස් හුවමාරුවේ ලැයිස්තුගත හේලීස් පීඑල්සී සමාගම රුපියල් බිලියන 7ක් රැස් කරගැනීම සඳහා සිදු කළ ණයකර නිකුතුවට අධි දායකත්වයක් හිමි වූ බව පවසයි. ඊයේ (05)
2025 අප්‍රේල් මස 29
843
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
209
1
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1259
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
සැහැල්ලු දුම්රිය ව්‍යාපෘතිය: රජයෙන් තවමත් ප්‍රතිපත්තිමය තීරණයක් නෑ : මුදල් අමාත්‍යාංශය