ටොරින්ටන් ක්‍රීඩාංගණය තරගකාරීවයෙන් ඒකාලෝක කරමින් සෙලින්කෝ ලයිෆ් 2025 ක්‍රීඩා උළෙල මෑතකදී පවත්වන ලදී. සමාගම විසින් පවත්වන වසරේ විශාලතම ක්‍රීඩා දිනය වෙනුවෙන් සියලුම ප්‍රධාන ව්‍යාපාරික කණ්ඩායම්, ප්‍රධාන කාර්යාලය සහ ජ්‍යෙෂ්ඨ කළමනාකාරීත්වය නියෝජනය කරමින් 1,200 ක පමණ පිරිසක් සහභාගී විය. 
මෙම ක්‍රීඩා උත්සවය මගින් තම ආයතනවල සේවකයන්ගේ සෞඛ්‍යය හා යහපැවැත්ම වෙනුවෙන් සෙලින්කෝ ලයිෆ් හි ඇති කැපවීම පෙන්නුම් කිරීම පමණක් නොව, වයස අවුරුදු 20 සිට 65 දක්වා වූ තරඟකරුවන්ගේ සහභාගීත්වයෙන් පරම්පරා කීපයක පිරිස් එක්රැස් කරමින් එකමුතුකම මත ගොඩනැගුණු සංස්කෘතියක් පිළිබුඹි කිරීමට සමාගමට හැකියාව ලැබිණි.
මීටර් 100 ඉසව්වේ සිට මීටර් 1,500 දක්වා වූ ධවන තරඟ සහ දුර පැනීම, උස පැනීම, යගුලිය දැමීම සහ කවපෙත්ත විසිකිරීම වැනි පිටිය තරඟ ඉසව් රැසක් ක්‍රීඩාංගනය උණුසුම් කළ අතර ඇවිදීමේ තරඟය සහ උද්යෝගීමත් වූ කඹ ඇදීමේ තරඟය මෙම උළෙලට අමතර රසයක් එක් කළහ.
මෙම වසරේ උත්සවයේ එක් අංගයක් ලෙස සැප්තැම්බර් මස පැවැති ක්‍රිකට්, බැඩ්මින්ටන්, නෙට්බෝල් සහ වොලිබෝල් යන කණ්ඩායම් ඉසව්වල අවසන් තරඟ වට පවත්වන ලදී. එහි අවසන් ලකුණු ගණනයට අනුව PK කණ්ඩායම සමස්ත ශූරතාව දිනාගත් අතර, NS/KS කණ්ඩායම අනුශූරතාව දිනා ගත්තේය. 
තවද, එහිදී තරඟකරුවන්ගේ තනි දක්ෂතා ද ඉස්මතු කරමින් ST කණ්ඩායමේ ඩබ්ලිව්.ඩී.වී. කාවින්ද මහතා හොඳම ක්‍රීඩකයා ලෙස කිරුළු පැළඳූ අතර TV කණ්ඩායමේ ඒ.ඩී. සාගරිකා මහත්මිය හොඳම ක්‍රීඩිකාව ලෙස කිරුළු පැළඳීය. සමාගම පුරා කණ්ඩායම් හැඟීම, දක්ෂතා සහ ක්‍රීඩා ලෝලී බව සමරමින් ක්‍රීඩා උලෙළ නිමා විය.