භානුක අමරසිංහ

මෙරටට පැමිණෙන සංචාරකයන් මිලදී ගන්නා භාණ්ඩ සඳහා අය කෙරෙන අගය මත එකතු කළ බදු (VAT) ආපසු හිමිකර ගැනීමේ පහසුකම සහිත බලයලත් අලෙවිසල් ලැයිස්තුවක් නිතුත් කරන්නට ශ්‍රී ලංකා ආදායම් බදු දෙපාර්තමේන්තුව කටයුතු යොදා තිබේ. 

සංචාරකයන් සඳහා අදාළ VAT බදු ආපසු ගෙවීම සඳහා වන පහසුකම වෙනුවෙන් ලියාපදිංචි වන ලෙස එම දෙපාර්තමේන්තුව කළ දැනුම් දීමට අනුව ලියාපදිංචි වූ අලෙවි සල් මෙලෙස ප්‍රසිද්ධ කර තිබේ. මෙහිදී එම අලෙවි සල් හිමි සමාගමට අදාළ TIN අංකයක් සහ අලෙවිසල් ශාඛා සඳහා වන ලියාපදිංචි අංකයක් සහිතව එම ලැයිස්තුව සකස් කර තිබේ.

ඒ අනුව වෝග් ජුවලර්ස් පෞද්ගලික සමාගම, වැල්ලවත්ත නිත්‍යකල්‍යානි ජුවලරි සමාගම,TIESH By Lakmini Kandy සහ TIESH By Lakmini යන සමාගම්, Premadasa & Co (Jewellers) Ltd සමාගම, Sifani Jewellers (Pvt) Ltd සමාගම, Odel Plc, Cotton Collection (Pvt) Ltd, Softlogic Brands (Pvt) Ltd, Devi Jewellers (Pvt) Ltd, The Island Watch Company (Pvt) Limited, A.M.A.Careem Jewellers (Pvt) Ltd, Colombo Jewellery Stores (Pvt) Ltd, E.W.Balasooriya & Company (Pvt) Ltd, Raja Jewellers (Pvt) Ltd, Gamini Gem And Jewellery (Pvt) Ltd, Lalitha Jewellery Mart (Pvt) Ltd, Sathies Jewellery (Pvt) Ltd, A M Salie (Pvt) Ltd, Zam Gems (Pvt) Ltd, Akbar Brothers (Pvt) Ltd, Prasanna Gem Centre (Pvt) Ltd, Oak Ray Gems & Jewellers (Pvt) Ltd, Ishini Gems & Jewellers (Pvt) Ltd, Ravi Jewellers (Pvt) Ltd, Ibrahim Jewellers, Laksana Shopping Centre, Premadasas Gems & Jewellery (Pvt) Ltd, Amith Gems (Pvt) Ltd, D.B.Enterprise (Pvt) Ltd, Unique Jewels (Pvt) Ltd.

Opanima Gems And Jewellery (Pvt) Ltd, Pure Gem And Jewellery (Pvt)Ltd, Future world Lanka (Pvt) Ltd, Vision Care Optical Services (Pvt) Ltd, J A De Silva And Company (Pvt)Ltd සහ Mallika Hemachandra Jewellers (Pvt) Ltd  එම අලෙවිසැල් වෙයි.

එම දෙපාර්තමේන්තුවට අනුව මෙම VAT බදු ආපසු හිමිකර ගැනීමේ පහසුකම ලබා ගැනීම සඳහා සංචාරකයන් ශ්‍රී ලංකාවේ පුරවැසියන් සහ ශ්‍රී ලංකාවේ නේවාසිකයන් නොවිය යුතුය. එසේම ආගමන විගමන පාලක ජනරාල්වරයා විසින් නිකුත් කරන සංචාරක වීසා බලපත්‍රයක් තිබිය යුතුය. අදාළ සංචාරකයාගේ වයස අවුරුදු 18 අඩු නොවීම මෙන්ම අදාළ VAT බදු ආපසු අගය කරගන්නා දිනය වනවිට මෙරට තුළ දින නවයක් රැඳී සිටිය යුතුව ඇත.

මේ අතර අදාළ VAT බදු ආපසු හිමි කරගැනීමේ පහසුකම වෙනුවෙන් සංචාරකයන් මෙවැනි බලයලත් අලෙවිසැල් හරහා අවම වශයෙන් රුපියල් 50,000ක් වටිනා භාණ්ඩ (VAT බදු ඇතුළත් නොවන) මිලදී ගත යුතුව ඇත. 

එහිදී එකම අලෙවිසැල මගින් එකම දිනයකදී නිකුත් කරන ඉන්වොයිස් පත්‍ර උපරිම තුනක් සඳහා මෙම VAT ආපසු ගෙවීම සිදු කරන බවත් දේශීය ආදායම් දෙපාර්තමේන්තුව සඳහන් කරයි.