NDB බැංකුව, කීර්තිමත් චීන විද්‍යුත් වාහන නිෂ්පාදන සමාගම් රැසක ශ‍්‍රී ලංකාවේ නියෝජිත ආයතනය වන ගැවින්රෝ ඉන්ටර්නැෂනල් (පුද්ගලික) සමාගම සමග අවබෝධතා ගිවිසුමකට (MoU) එළඹ තිබේ. මෙම උපායමාර්ගික හවුල්කාරිත්වය සැලසුම් කර ඇත්තේ ගැවින්රෝ ඉන්ටර්නැෂනල් ආයතනයේ පුළුල් පරාසයක මගී සහ වාණිජ වාහන පෙළ හරහා පාරිභෝගිකයන්ට නව්‍ය සහ දැරිය හැකි ලීසිං විසඳුම් ලබා දීම සඳහා වන අතර ඒ සඳහා විශේෂයෙන් සකස් කරන ලද මූල්‍ය පහසුකම් මඟින් සහාය ලබා දෙයි.
මෙම හවුල්කාරිත්වය හරහා NDB බැංකුවේ ගනුදෙනුකරුවන්ට Fortune 500 ලැයිස්තුවට ඇතළත් චීන සමාගමක් විසින් නිෂ්පාදනය කරන ලද ලොව පුරා ප‍්‍රසිද්ධ රථ වාහන සන්නාම වන Skywell , Skyworth  එය සමාගම් සහ Keyton ඇතුළු අති නවීන මගී වාහන පෙළකට ප‍්‍රවේශ වීමේ පහසුකම ලබා ගත හැක. දැරිය හැකි මිල ගණන් සහ පහසුව කෙරෙහි අවධානය යොමු කරමින් NDB  බැංකුව ඉක්මන් අනුමැතිය අවම ලියකියවිලි, නම්‍යශීලී ආපසු ගෙවීමේ විකල්ප සහ කිසිදු ඇපකරුවකුගේ අවශ්‍යතා නොමැතිව පෞද්ගලිකව සකසන ලද ලීසිං විසඳුම් ලබා දෙන අතර, එමගින් ශ‍්‍රී ලාංකික ගනුදෙනුකරුවන්ට ගැවින්රෝ ඉන්ටර්නැෂනල් ආයතනයේ වාහන පෙළෙහි විශ්වසනීයත්වය සහ ගුණාත්මකභාවය අත්විඳීමට හැකියාව ඇත.
දිවයින පුරා සිටින කුඩා හා මධ්‍ය පරිමාණ ව්‍යවසායකයන්ට සහ විශාල ව්‍යවසාය සඳහා සහාය වීමේදී වැදගත් කාර්යභාරයක් ඉටු කරන Skywell විද්‍යුත් වෑන්රථ, ට‍්‍රක් සහ බස් රථ ඇතුළු පුළුල් පරාසයක වාණිජ වාහන සඳහා ද මෙම සහයෝගීතාව විහිදී යයි. වාණිජ වාහන සඳහා වන NDB බැංකුවේ විශේෂිත මූල්‍ය පැකේජ ව්‍යාපාරවල විවිධ අවශ්‍යතා සපුරාලීම සඳහා සකස්කර ඇති අතර, ව්‍යවසායකයන්ට සහ ආයතනවලට ඔවුන්ගේ ව්‍යාපාරික මෙහෙයුම් වර්ධනය කිරීමට සහ පුළුල් කිරීමට අවශ්‍ය විශ්වාසදායක ප‍්‍රවාහන විසඳුම් වෙත ප‍්‍රවේශය ඇති බව සහතික කරයි.
සංචාරක කර්මාන්තය නංවාලීම සඳහා අවශ්‍ය වන සුවිශේෂී මුලපිරීමක් ලෙස, මෙම හවුල්කාරිත්වය Skywell වෑන් සහ බස් රථ සඳහා ප‍්‍රතිමූල්‍යකරණ ක්‍රමයක් හඳුන්වා දෙයි. සංචාරක ක්ෂේත‍්‍රයේ ව්‍යවසායකයන්ට දැන් සියයට 7 ක ඉතා තරගකාරී පොලී අනුපාතයකට රුපියල් මිලියන 25 ක් දක්වා ණයවලින් ප‍්‍රතිලාභ ලබා ගත හැකි අතර එමගින් එම අංශය නංවාලීමට සහ ශ‍්‍රී ලංකාවේ සංචාරක අත්දැකීම් වැඩිදියුණු කිරීමට නවීන, සුවපහසු ප‍්‍රවාහන විසඳුම් සඳහා ආයෝජනය කිරීමට ඔවුන්ට හැකියාව ලැබේ.