ශ්රී ලංකාවේ සිට සංචාරය කරන සිසුන් ඇතුළු සංචාරකයන්ට ප්රතිලාභ ලබා දීමට විශේෂ ගුවන් ගමන් ගාස්තු හඳුන්වාදීමට එමිරේට්ස් සමාගම කටයුතු කර තිබේ. මේ අනුව මෙම විශේෂ ගාස්තු සහිත ප්රවේශපත් වෙන්කර ගනිමින් ඒවා සැප්තැම්බර් 30 දක්වා භාවිත කිරීමේ අවස්ථාව මෙන්ම ප්රවේශපත්රවල වලංගු කාලය වසර තුනක් දක්වා දීර්ග කිරීමේ සහනය පාරිභෝගිකයන්ට ලබා දී ඇත.
එමිරේට්ස් ගෝලීය ජාලයේ සියලුම ගමනාන්ත සඳහා මෙම විශේෂ ගාස්තු වලංගු වන අතර ඉකොනොමි අවම ගාස්තු රුපියල් 68,700කින් සහ ව්යාපාරික පන්තියේ අවම ගාස්තුව රුපියල් 257,500 කින් ආරම්භ වන බව සඳහන් කරයි. මෙම විශේෂ ගාස්තු වෙන්කර ගැනීම 2021 අප්රේල් 13 වනදා සිට 26 වනදා දක්වා සිදු කළ යුතු බවත් එසේ වෙන්කර ගන්නා ප්රවේශපත් මගින් 2021 අප්රේල් 16 වනදා සිට සැප්තැම්බර් 30 වනදා දක්වා සංචාරය කළ හැකි බවත් සමාගම පවසයි.
මෙම ප්රවර්ධන වැඩසටහන යටතේ ලබාදෙන ඉකොනමි පන්තියේ ආරම්භ ගාස්තු මෙසේය. ඩුබායි දක්වා යාමට සහ ඒමට ඇමරිකානු ඩොලර් 342 ක් (වත්මන් විනිමය අනුපාතයට අනුව රුපියල් 68,700ක් පමණ) ද මිලාන් සඳහා ඇමරිකානු ඩොලර් 654 ක් (රුපියල් 131,300 ක් පමණ) ද පැරිසිය සඳහා ඇමරිකානු ඩොලර් 644 ක් (රුපියල් 129,300ක්) ද නිව්යෝර්ක් සඳහා ඇමරිකානු ඩොලර් 1,117ක් (රුපියල් 224,200ක් පමණ) ද ටොරොන්ටෝ සඳහා ඇමරිකානු ඩොලර් 1,303 ක් (රුපියල් 261,500ක් පමණ) සහ නයිරෝබි සඳහා ඇමරිකානු ඩොලර් 966ක් (රුපියල් 193,900ක් පමණ) ද වේ.
මෙම ප්රවර්ධන වැඩසටහන යටතේ ව්යාපාරික පන්තියේ අරම්භක ගාස්තු මෙසේය. ඩුබායි දක්වා යාමට සහ ඒමට ඇමරිකානු ඩොලර් 1,283ක් (වත්මන් විනිමය අනුපාතයට අනුව ආසන්න වශයෙන් රුපියල් 257,500 ක් පමණ) ද, මිලාන් සඳහා ඇමරිකානු ඩොලර් 3,127ක් (රුපියල් 627,600ක් පමණ) ද, පැරිසිය සඳහා ඇමරිකානු ඩොලර් 2,860ක් (රුපියල් 574,000ක් පමණ) ද, නිව්යෝර්ක් සඳහා ඇමරිකානු ඩොලර් 3,618ක් (රුපියල් 726,100ක් පමණ) ද, ටොරොන්ටෝ සඳහා ඇමරිකානු ඩොලර් 3,654ක් (රුපියල් 733,300ක් පමණ) සහ නයිරෝබි සඳහා ඇමරිකානු ඩොලර් 2,179ක් (රුපියල් 437,300ක් පමණ)ද වේ. මෙම සියලුම ප්රවේශපත් වල මිල ප්රවේශපත් මිලදී ගන්නා දිනයේ දී තිබෙන විනිමය අනුපාතය අනුව තීරණය වනු ඇත.
මෙම විශේෂ ගාස්තු ලබාදීම යටතේ තෝරාගත් ගමනාන්තවලට කිලෝ ග්රෑම් 05ක අමතර භාණ්ඩ රැගෙන යාමේ දීමනාවක් ද ඇතුළත් වන බව සමාගම සඳහන් කරයි.
සෙරන්ඩිබ් ෆ්ලා මිල්ස්, 7 Starවෙළඳ නාමය යටතේ ශ්රී ලංකාවේ ප්රමුඛ පෙළේ තිරිඟු පිටි නිෂ්පාදන සහ බෙදාහැරීමේ සමාගමක් ලෙස කීර්තියක් දිනා ඇත. සෙරන්ඩිබ් සේවා බ
අයිටීසී රත්නදීප හෝටල් සහ සුපිරි නිවාස ව්යාපෘතිය (ITC Ratnadipa Colombo) ජනාධිපති රනිල් වික්රමසිංහ මහතාගේ ප්රධානත්වයෙන් අද (25) විවෘත කරනු ලැබීය.
මෙරට ප්රමුඛ පෙළේ දේපොළ වෙළෙඳ සමාගමක් වන Westbury Suites සමාගම ඒකක 35කින් සමන්විත වන සිය නවතම මහල් නිවාස සංකීර්ණය වන Westbury Residencies - Colombo 10 පසුගියදා විවෘත කළේය.
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ශ්රී ලංකාවේ සිට සංචාරය කරන්නන්ට එමිරේට්ස් විශේෂ ගමන් ගාස්තු
බද්රානි Friday, 23 April 2021 07:56 AM
එමිරේට්ස් ගුවන් සමාගමට මගේ ප්රණාමය!!! තමන්ගේ රටේ ගුවන් සේවය තම ජාතියෙන්ම ගසා කන රටක හිඟන ජනතාවට ඔබ සමාගම දැක්වූ අනුග්රහය නම් විශිෂ්ඨයි. කොරෝනා ව්යවසනය පවා ගරානාවක් කරගත් ඒ හොර තක්කඩි ගුවන් සමාගම බංකොළොත් වීම තමයි මේ රටේ උගත්, බුද්ධිමත් ජනතාවගේ ප්රාර්ථනය...!! එමිරේට්ස් ගුවන් සමාගමේ විශිෂ්ඨ සේවාව ගැන මම අමුතුවෙන් ලියන්න අවශ්ය නැහැ. එය ලෝකයේ වෙසෙන ඕනෑම ගුවන් මගියෙක් දන්නා කරුණක්. එමිරේට්ස් ගුවන් සමාගමට ජයවේවා...!!!