ආර්ජන්ටිනාව ආසන්නයේ පිහිටි ෆෝක්ලන්ත දූපත තව දුරටත් බි‍්‍රතාන්‍ය පාලනය යටතේ තබා ගන්නේද යන්න පිළිබඳව පැවැති ජන මත විචාරණයකදී එරට වැසියන්ගෙන් සියයට 99.8කට වැඩි පිරිසක් ඊට කැමැත්ත පළ කර ඇති බව වාර්තා වේ.
දෙදිනක් පුරා පැවැති මෙම ජන මත විචාරණයේදී 2,563ක් පමණ වන ෆෝක්ලන්ත දූපත් වාසීන්ගෙන් 1,672 දෙනකු ඡන්දය ප‍්‍රකාශ කිරීමට සුදුසුකම් ලබා සිටි අතර ඉන් 1,517 දෙනෙක් තමන් තවදුරටත් බි‍්‍රතාන්‍ය පාලනය යටතේ සිටීමට කැමති බව ප‍්‍රකාශ කර ඇත.
‘‘ෆෝක්ලන්ත වැසියන් බි‍්‍රතාන්‍යය යටතේ රැඳී සිටීමට කැමැත්ත පළ කර තිබෙනවා. එනිසා ආර්ජන්ටිනාව ඇතුළු සෑම රටක්ම ඊට ගරුකළ යුතුයි.’’ යනුවෙන් බි‍්‍රතාන්‍ය අගමැති ඬේවිඞ් කැමරුන් විශේෂ නිවේදනයක් නිකුත් කරමින් කියා සිටී.
1982 වසරේදී ආර්ජන්ටිනාව මෙම දූපත ආක‍්‍රමණය කිරීම නිසා බි‍්‍රතාන්‍ය හමුදා සමඟ යුද්ධයක් හට ගත්තේය. ආර්ජන්ටිනා වෙරළේ සිට කිලෝමීටර් 400ක් ඔබ්බෙන් පිහිටි මෙම දූපතට අයිතිවාසිකම් කීමට ආර්ජන්ටිනාව කිහිප වතාවක් උත්සාහ ගැනීම නිසා බි‍්‍රතාන්‍ය හා ආර්ජන්ටිනාව අතර මත භේදාත්මක තත්ත්වයක් පැන නැඟුණි.