කයිරෝ අගනුවරට රැස්ව සිටින ලක්ෂ දෙකකට වැඩි විරෝධතාකරුවන්ගේ හඬට කන් දී, වහාම ධුරයෙන් ඉවත් වන්නැයි ඊජිප්තු හමුදාව එරට ජනපති

ජනපති මොර්සි

මොහොමඞ් මොර්සිට අනතුරු අඟවා තිබේ.

පැය 48 ක් ඇතුළත ජනපති ධුරයෙන් වහා ඉවත් වීමට කටයුතු කරන ලෙසටත් එසේ නොකරන්නේ නම්, කුමන්ත‍්‍රණය කර ජනපති මොර්සි බලයෙන් නෙරපා දමන බවටත් හමුදාව අනතුරු අඟවා ඇත.

ජනාධිපති මොර්සි හඳුන්වා දී ඇති නව දේශපාලන ප‍්‍රතිසංස්කරණ සහ නව නීති ජනතාවගේ අප‍්‍රසාදයට හේතුවක් වී ඇති අතර විරෝධතා පැවැත්වෙන්නේ ඔහු ජනපති ධුරයට පත් වී වසරක් ගත වෙද්දීය.

විරෝධතාකරුවන් මේ වනවිට ජනපති මොර්සිගේ ‘මුස්ලිම් සහෝදරත්වය’ පක්ෂයේ මූලස්ථානයටත් සෙසු පක්ෂ කාර්යාලවලටත් පහර දී ගිනි තබා ඇතැයි ද පැවැසෙයි.

තරීර් චතුරස‍්‍රයට රැස්ව සිටින විරෝධතාකරුවෝ