තමාට මුහුණ පෑමට සිදුවූ අමිහිරි අත්දැකීම් ගැන තවමත් දුක්වන බවත් එම නිසා 2012 සමාජවාදී පක්‍ෂයෙන් දේශපාලනයට පිවිසීමට තිබූ බලාපොරොත්තුව අත්හැර දැමී යැයි, ලිංගික අපචාර චෝදනාවන් නිසා කරදර රැුසකට මුහුණ දුන් ජාත්‍යන්තර මූල්‍ය අරමුදලේ හිටපු ප‍්‍රධානි ඩොමිනික් (62)  ට‍්‍රවුස්-ඛාන් කියා සිටියේය. ට‍්‍රවුස්-ඛාන් එසේ කියා සිටියේ ටී.එෆ්.අයි. රූපවාහිනි සේවයේ ”ප‍්‍රයිම් ටයිම්” වැඩසටහන සමග පෙරේදා (18) පැවැති සම්මුඛ සාකච්ඡාවකදීය. නිව්යෝර්ක්හි හෝටලයක සේවිකාවකට ලිංගික අතවරයක් කළේ යැයි චෝදනා ලැබ සිටි ට‍්‍රවුස්-ඛාන් මහතා කලක් නිවාස අඩස්සියේ රඳවා සිටි අතර පසුව, පසුගිය සැප්තැම්බර් 4 දා නිදහස ලැබීය. එම හෝටල් සේවිකාවගේ සාක්‍ෂිවල පරස්පර විරෝධී තත්ත්වයක් පෙනේනනට තිබූ නිසා, නඩු පැවරුම් නිලධාරීහු, ඛාන් මහතා නිදොස් කොට නිදහස් කළහ. ට‍්‍රවුස්-ඛාන් මහතා 2012 වසරේ සමාජවාදී පක්‍ෂයෙන් ප‍්‍රංශයේ ජනාධිපතිවරණයට ඉදිරිපත්වීමට බලාපොරොත්තුවෙන් සිටියේය. ”මා අතින් සිදුවූයේ සදාචාරාත්මක වැරැද්දක්” මා ඒ ගැන ප‍්‍රංශ ජනතාවගෙන් සමාව ඉල්ලා සිටිනවා. මට පසුතැවිලිවීමට ඇති කාලය තවත් ඉදිරියට තියේවි. මේ සිද්ධිය නිසා මට සියල්ල අහිමි වුණා. මැතිවරණ ව්‍යාපාරයත් කඩාකප්පල් වුණා.” යැයි ඛාන් මහතා සිය සම්මුඛ සාකච්ඡාවේ දී කියා සිටියේය. ඛාන් මහතා පිළිබඳව පැවැති මත විචාරයකදී හෙළිවූයේ ඔහු දේශපාලනයට පිවිසීම ගැන 53% ක්ම අකමැති බවයි.