ළමා අපචාරකරුවන්ට එරෙහිව දැඩි දඩුවම් පැමිණවීමේ අවසරය ලබා දෙන නීති සම්මත කරගැනීමට ඉන්දුනීසියා පාර්ලිමෙන්තුව කටයුතු කර තිබේ.

සම්මත කරගත් නව නීති ප‍්‍රකාරව රසායනික සුන්නත් කිරීම නම් නව දඩුවම් ක‍්‍රමයක් ළමා අපචාරකරුවන්ට එරෙහිව පැමිණවීමේ අවසරය දැන් එරට අධිකරණයට හිමිය.

මෙවන් නීතියක් සම්මත කරගත යුතුයැයි ඉන්දුනීසියා පාර්ලිමෙන්තුවට යෝජනාවක් ඉදිරිපත් වූයේ පසුගිය මැයි මාසයේදීය.බාල වයස්කාර දැරියක සමූහ දුූෂණයකට ලක්වීමේ සිදුවීමක් සමග ඇතිවූ ආන්දෝලනාත්මක තත්ත්වය මෙවන් යෝජනාවක් ඉදිරිපත් වීමට ප‍්‍රධානතම හේතුව විය.

රසායනික සුන්නත් කිරීමට අමතරව, ළමා අපචාරකරුවකුට එරෙහිව මරණ දණ්ඩනය නියම කිරීමට, විදුලි සැර වැද්දවීමට සහ වසර 10 කට නොඅඩු සිර දඩුවමකට යටත් කිරීමට, අවශ්‍ය අවසරයන්ද මෙම නව නීතිය යටතේ ඉන්දුනීසියා අධිකරණයට ලබාදී ඇත.

රසායනික සුන්නත් කිරීමේදී සිදුවන්නේ අපචාරකරුවන්ගේ ශරීරයට ස්තී‍්‍ර හෝමෝනයන් එන්නත් කිරීම වන අතර, මෙම දඩුවම් ක‍්‍රමය රුසියාව, දකුණු කොරියාව, සහ පෝලන්තය වැනි රටවල ළමා අපචාරකරුවන්ට එරෙහිව භාවිතයට ගැනෙන්නකි.

කෙසේනමුත් මානව හිමිකම් සුරැකීමේ සංවිධානයන් සහ කාන්තාවන් සදහා වන ජාතික කොමිසම මෙවන් දැඩි දඩුවම් සම්මත කරමින් නීති ඉදිරිපත් කිරීම හෙළා දකිමින් අදහස් දක්වා ඇත.මේ හා සමාන නීති කි‍්‍රයාත්මක වන වෙනත් රටවල, එම නීති කි‍්‍රයාත්මක වූවාය නැතිය කියා ළමා අපචාරයන්ගේ අඩුවීමක් සිදුව නොමැති බව එම සංවිධාන පවසයි.