සිරියා ජනපති බෂීර් අල් අසාද්ගේ රජය පෙරළා දැමීමට උත්සහ ගන්නා කැරැලිකරුවන් නියෝජනය කරන එරට විපක්ෂ දේශපාලන පක්ෂ එක් ව පිහිටු වූ ‘සිරියානු ජාතික පාලක මණ්ඩලය’ ට ලක්ෂ ගණනක මුදල් ආධාර ලබා දීමට තමන් කටයුතු කරන බව බි‍්‍රතාන්‍යය පවසයි. ලබා දෙන එම ආධාර අතර වෙඩි නොවදින කබා, වෛද්‍ය සහ සන්නිවේදන උපකරණ රැසක් ඇතුළත් වන බව බි‍්‍රතාන්‍ය විදේශ ඇමැති විලියම් හේග් පවසයි. බි‍්‍රතාන්‍යය කැරැලිකාර පාර්ශවයේ පැත්ත ගෙන ඔවුන්ට සහය දෙනවා නොව විපක්ෂ දේශපාලනඥයන්, සිවිල් වැසියන් සහ ගැටුමට මැදිව සිටින මානව කි‍්‍රයාකාරීන්ගේ ආරක්ෂාව වෙනුවෙන් එම උපකරණ තොගය ලබා දෙන බව බි‍්‍රතාන්‍ය විදේශ ඇමැතිවරයා අවධාරණය කරයි. කැරැුලිකාර පාර්ශවය නියෝජනය කරන දේශපාලන හඬ වන්නේ සිරියානු ජාතික පාලක මණ්ඩලයයි. සිරියානු ජනපති බෂීර් අල් අසාද්ගේ ඒකාධිපති පාලනය පෙරළා රටේ නව පාලනයක් ස්ථාපිත කිරීමට උත්සාහ ගන්නේ ද ඔවුන්ය. බි‍්‍රතාන්‍ය සිරියානු ජාතික පාලක මණ්ඩලයට හෝ කැරැලිකරුවන්ට අවි ආයුධ ලබා නොදන බව ද විදේශ ඇමැතිවරයා පවසයි. ඔහු මේ බව කියා සිටියේ පෙරේදා (11) පැවැති මාධ්‍ය හමුවකදී මාධ්‍යවේදීන් නැඟූ ප‍්‍රශ්නවලට පිළිතුරු දෙමිනි.