IMG-LOGO

2025 ජුලි මස 15 වන අඟහරුවාදා


සිරියා අර්බුදය මැදපෙරදිගටත් ලෝකයටත් ප‍්‍රබල තර්ජනයක්

දිනෙන්දින උග‍්‍රවෙමින් පවතින සිරියා අර්බුදය මැදපෙරදිග කලාපයටත් සමස්ත ලෝකයටත් ප‍්‍රබල තර්ජනයක් බව ජාත්‍යන්තර සාම නියෝජිත ලක්දාර් බ‍්‍රහීමි පෙරේදා(15) සිරියා ජනපති බෂාර් අල් අසාද් හමුවූ අවස්ථාවේදී කියා සිිටියේය. සිරියා අර්බුදයට දේශපාලන විසඳුමක් ලබාදිය යුතු බව කී බ‍්‍රහිමි එය සාර්ථක කර ගැනීමට නම් ත‍්‍රස්තවාදීන් පුහුණු කරන, ඔවුනට මූල්‍යමය ආධාර සපයන සහ ඊට සමගාමීව සිරියාවට ආයුධ ලබාදෙන රටවලට දැඩි බලපෑම් එල්ල කළ යුතු බව ද සඳහන් කළේය. සිරියාවේ කැරැලිකරුවන්ට ආයුධ සපයන රටවල කි‍්‍රයාකාරීත්වය නැවැත්වීම සම්බන්ධයෙන් ද බ‍්‍රහීමි සහ ජනපති අසාද් අතර පැවැති සාකච්ඡාවලදී අවධානයට ලක් වූ බව විදෙස් වාර්තා සඳහන් කරයි. මේ අතර සිරියාවේ මිතුරකු වන රුසියාව සඳහන් කළේ තමන් සිරියාවේ කිසිදු නායකයකුට ගැති නොවන බවත් ජනපති අසාද්ට එරෙහිව එක්සත් ජාතීන්ගේ ආරක්ෂක කවුන්සිලයට ඉදිරිපත් කෙරෙන  ඕනෑම යෝජනාවක් පැරැුදවීමට තමන් කටයුතු කරන බවත්ය. මේ වන විට සිරියා අර්බුදයට මාස 18ක් ගත වී ඇත. නමුත් එම අර්බුදය අවසන් වන බවක් ද දක්නට නොමැත. ඒ සම්බන්ධයෙන් ගත යුතු ඉදිරි පියවර සම්බන්ධයෙන් අදහස් දැක්වූ සාම නියෝජිත බ‍්‍රහීමි සඳහන් කළේ ‘මේ අර්බුදය විසඳීමට සිරියා ජනතාව තුළින් මතුවන විසඳුමක් අවශ්‍යයි. අනතුරුව ගැටලූව විසඳීමට යම් ක‍්‍රමවේදයක් ස්ථාපිත කළ යුතු අතර ඉන් පසුව කලාපීය, ජාත්‍යන්තර සහාය ද ලබා ගත යුතු බවයි. සාම නියෝජිත බ‍්‍රහිමි සිරියා ජනාධිපති හමුවීමෙන් අනතුරුව එරට විදේශ අමාත්‍ය වලීඞ් මුලායම් සහ විපක්ෂ කි‍්‍රයාකාරීන් පිරිසක් සමඟ ද සාකච්ඡා පැවැත් වූ බව වාර්තා වේ. ලක්දාර් බ‍්‍රහීමි



අදහස් (0)

සිරියා අර්බුදය මැදපෙරදිගටත් ලෝකයටත් ප‍්‍රබල තර්ජනයක්

ඔබේ අදහස් එවන්න

 

 
 

මේවාටත් කැමතිවනු ඇති

පාසල් දරුවන්ට හිස්වැසුම් බෙදා දීම 2025 ජුලි මස 14 123 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 74 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 449 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

Our Group Site