ඇමරිකාවේ පෙන්සිල්වේනියා ප්‍රාන්තයේ පිට්ස්බර්ග් නගරයේ රෝහලක ජනේල පිරිසිදු කිරීමේ යෙදුණු ‘‘සුපිරි වීරයන් ‘‘ කිහිප දෙනෙකු කැමරාවට හසුවූයේ මෙසේය.රෝහලේ ප්‍රතිකාර ලබන කුඩා දරුවන් මවිත කිරීමේ අරමුණින් රෝහල් බලධාරීන් සැළසුම් කළ වැඩසටහනකට අනුව සුපිරි වීරයන් ලෙස හැඩගැන්වූ සේවකයින් රෝහලේ ජනේල පිරිසිදු කිරීමට යොදවා තිබුණි.

තම හදගත් සුපිරි වීරයන් තමන්ගේ වාට්ටු වල ජනේල පිරිසිදු කරනවා දුටු කුඩා දරුවන් මවිතයටත් සතුටටත් පත්වූ බව රෝහල් බළධරයෝ කියති.

ජනේල පිරිසිදු කිරීමේ යෙදුණු ‘‘සුපිරි වීරයන්‘‘ අතර බැට් මෑන්,ස්පයිඩර් මෑන් හා සුපර් මෑන් වැන්නන් විය.මොවුන් සියල්ලම පාහේ කුඩා දරුවන් නරඹන ප්‍රකට කාටූන් වැඩසටහන් වල චරිතයන් වේ.