වෙනිසියුලා ජනපති හියුගෝ චාවේස්ගේ අවමංගල කටයුතු ඉකුත් සිකුරාදා (8) රාජ්‍ය ගෞරව සහිතව පැවැත් වුණු අතර, උප ජනපති ධුරයේ සිටි නිකලස් මදුරෝ එදින සවස එරට භාරකාර ජනපති ලෙස දිවුරුම් දුන්නේය. 
වෙනිසියුලාවේ ජනපතිවරණය ලබන අපේ‍්‍රල් මස 14 වැනිදා පැවැත්වෙන බව ද දිවුරුම් දුන් අවස්ථාවේදී මදුරෝ පැවැසීය. 
චාවේස්ගේ අභාවයෙන් පසු දින 30 ක් ඇතුළත දී ජනපතිවරණයක් පවත්වන බව වෙනිසියුලානු රජය නිවේදනය කළේ ඉකුත් 7 වැනිදාය. 
ඒ අනුව අපේ‍්‍රල් 14 වැනිදා පැවැත්වීමට නියමිත ජනපතිවරණයේ දී චාවේස්ගේ අනුප‍්‍රාප්තිකයා ද වන මදුරෝට විපක්ෂ නායක හෙන්රීකේ කැප්රිලේගෙන් අභියෝගයක් එල්ලවනු ඇතැයි එරට දේශපාලන විචාරකයෝ පෙන්වා දෙති.
ඉකුත් ඔක්තෝබරයේ පැවැති ජනපතිවරණයේදී වාචේස්ගේ ප‍්‍රතිවාදියා වූයේ කැප්රිලේය. එම මැතිවරණයෙන් චාවේස් සියයට 54.42 ක ඡුන්ද ප‍්‍රතිශතයක් හිමිකරගත් අතර කැප්රිලේට හිමිකර ගැනීමට හැකිවූයේ සියයට 44.97 ක ඡන්ද ප‍්‍රතිශතයකි. වෙනිසියුලාවේ බටහිර පළාත් කැප්රිලේට සහාය පළ කළ අතර ඇමෙරිකාවේ සහාය ද හිමිවූයේ ඔහුටය.

 

මදුරෝ දිව්රුම් දෙමින්...