වසර තුනක්  තිස්සේ රෝහල තම නිවස කරගෙන සිටි නිරෝගී රෝගියෙක් එළියට ඇද දැමීමට චීනයේ බීජිං නුවර පොලිසිය කටයුතු කළේය.

මෙම පුද්ගලයා පාදයේ ආබාධයක් ඇතැයි කියමින් රෝහල් ගතව තිබෙන අතර වෛද්‍යවරුන් ඔහුට නිසි ප‍්‍රතිකාර කර නිවස වෙත යෑමට කටයුතු සළස්වා දී ඇත.

නමුත් තම පාදය රිදුම් දෙනවා යැයි කියමින් තමන් රැක බලා ගැනීම රෝහලේ වගකීම යැයි පවසමින් ඔහු දිගටම රෝහලේ රැදී සිට තිබේ.

තම එකම දරුවාගේ විවාහ මංගල උත්සවයට සහභාගී වීම පවා මෙම පුද්ගලයා මගහැර ඇත.

2012 වසරේ සිට වෛද්‍ය ගාස්තු ගෙවීම අතපසු කිරීම නිසාවෙන් ඔහු ගැන සොයාබැලීමද වෛද්‍ය කාර්යමණ්ඩලය අත්හැර දමා තිබී ඇත.රෝහලෙන්ම කමින්,රෝහලෙන්ම බොමින්,රෝහලෙන්ම නාගනිමින් ඔහු ගතකරන මේ ජීවිතය තවත් බලා සිටින නොහැකි තැන රෝහල් පාළනාධිකාරිය අධිකරණයේ පිහිට පතා තිබේ.

ඔහු ඉවතට ඇද දැමීමට අධිකරණය දුන් නියෝගය අනුව මෙසේ ඔහුව එළියට ගැනීමට බීජිං පොලිසිය පසුගියදා කටයුතු කළේය.

තමන් පිටතට ගැනීමට යන බව දැන මේ පුද්ගලයා යදම් වලින් සිරුර ඇදට තබාගෙන බැදගෙන සිටියේය.ඔහු ගලවා ගත නොහැකි තැන ඔහුව ඇඳ පිටින්ම එළියට යැවීමට පොලිසියට සිදුවිය.

එළියට ඇද දැමුණු පසුවද නැවත නැවතත් රෝහල වෙත යෑමට මෙම පුද්ගලයා උත්සාහ කළේය.අවසානයේ මහා හඩින් හඩා වැළපෙමින් ඔහු තම නිවස පිහිටි පෙදෙස කරා ගමන්කරනු දැකගත හැකිවිණි.

hospital-addict2-550x365 hospital-addict-550x365