ඇමෙරිකාව ප‍්‍රමුඛ බටහිර රටවල විවේචනයට බඳුන්ව ඇති ඉරාන න්‍යෂ්ටික වැඩසටහන යටතේ  සිදු කෙරෙන යුරේනියම් බලගැන්වීමේ කි‍්‍රයාවලිය අඛණ්ඩව සිදු කරන බව අන්තර්ජාතික පරමාණු බලශක්ති ආයතනයේ ඉරාන නියෝජිත අලි අස්ගාර් සොල්ටනේ පෙරේදා (28) පැවැසීය. මෙසේ යුරේනියම් බලගැන්වීමේ කි‍්‍රයාවලිය අන්තර්ජාතික පරමාණු බලශක්ති ආයතනයේ අධීක්ෂණය යටතේ අඛණ්ඩව සිදු කරන බව ද අලි අස්ගාර් සොල්ටනේ වැඩිදුරටත් කියා සිටියේය. එක්සත් ජාතීන්ගේ ආරක්ෂක කවුන්සිලය ඉරාන රජයට න්‍යෂ්ටික වැඩසටහන නවත්වන ලෙසට අවස්ථා කිහිපයකදීම දන්වා සිටියේය. නමුත් ඉරානය ඊට ප‍්‍රතිචාර නොදැක්වූ හෙයින් එරටට එරෙහිව සම්බාධක පැනවීමට ආරක්ෂක කවුන්සිලය කටයුතු කළේය. මේ වසරේදී ඉරාන න්‍යෂ්ටික අර්බුදය සම්බන්ධයෙන් යම් එකඟතාවකට පැමිණීමට ආරක්ෂක කවුන්සිලයට අයත් රාජ්‍යයන් සහ ඉරානය අතර සාකච්ඡුා වට කිහිපයක් පැවැත්වුණද ඒවා අසාර්ථක විය. ඇමෙරිකාව සහ ඊශ‍්‍රායලය පවසන්නේ ඉරාන න්‍යෂ්ටික වැඩසටහනේ අරමුණ විනාශකාරී පරමාණු බෝම්බයක් නිපදවීම බවයි.