එක්සත් ජාතීන්ගේ සංවිධානය හා සම සත්කාරකත්වය දරමින් එක්සත් ජාතීන්ගේ ශ්‍රී ලංකා නිත්‍ය නියෝජිත කාර්යාලය ‘වෙරළ සෝදා පාළුව හා දේශගුණ විපර්යාසවලට එහි දායකත්වය’ යන මැයෙන් වැඩසටහනක් ඇමෙරිකාවේ නිව්යෝක් නුවරදී  පැවැත්වීය.

නිව්යෝක් නුවර එක්සත් ජාතීන්ගේ මූලස්ථානයේ පැවැති එම වැඩසටහනට නිත්‍ය නියෝජිතයෝ, ජ්‍යෙෂ්ඨ රාජ්‍ය තාන්ති‍්‍රකයෝ හා සිවිල් සමාජ සාමාජිකයෝ විශාල පිරිසක් සහභාගී වූහ.

වෙරළ ඛාදනයත් ඉන් දේශගුණ විපර්යාසවලට සිදුවන බලපෑමත් පිළිබඳ දැනුම්වත් කිරීම සඳහා මෙම වැඩ සටහන පැවැත්විණි. ඌණ සංවර්ධිත රටවල්, භූමියෙන් වටවූ සංවර්ධනය වෙමින් පවතින රටවල් හා සංවර්ධනය වෙමින් පවතින කැනඩා දූපත් රාජ්‍ය නියෝජිතයන් සඳහා වන එක්සත් ජාතීන්ගේ කාර්යාලය හා දේශගුණ විපර්යාස හා තිරසාරත්වය සම්බන්ධ ගැටළු පිළිබඳ රාජ්‍ය නොවන සංවිධානය මෙම වැඩසටහනට සම අනුග‍්‍රාහය දැක්විය.

වෙරළ තීරය ඛාදනය සම්බන්ධයෙන් අවධානය යොමු කිරීම වැදගත් බවත්, වෙරළක් ඇති සෑම රටකටම එය පොදු ප‍්‍රශ්නයක් බවත් පිළිගැනීමේ කතාව පවත්වමින් එක්සත් ජාතීන්ගේ ශ්‍රී ලංකා නිත්‍ය නියෝජිත රොහාන් පෙරේරා මහතා පැවැසීය.

ඉකුත් දෙසැම්බරයේ සම්මත වී තිරසර සංවර්ධනය සඳහා වන න්‍යාය පත‍්‍රය 2030 අනුව සෑම රටක්ම කටයුතු කළ යුතු බව ද ඔහු එහිදි අවධාරණය කළේය.

ශ්‍රී ලංකාව මේ කාර්යයේදී පෙරමුණ ගැනීම ගැන ප්‍රසාදය පළ කිරීමට බොහෝ රටවල නිත්‍ය නියෝජිතයෝද , නායකයෝද කටයුතු කළහ.