‘‘මලයාසියා යානයට මිසයිලය වැදී නැහැ‘‘

නැගෙනහිර යුක්රේනයේ දී කඩා වැටුණු මලයාසියා එම්.එච්.17 ගුවන්යානයේ කළු පෙට්ටිය හා සුන්බුන් විශ්ලේෂණය කළ ඕලන්ද ආරක්ෂක මණ්ඩයල සිය වාර්තාව නිකුත් කැර ඇත. එම වර්තාවෙන් පෙන්වා දෙන්නේ යානයට මිසයිලය වැදී නැති බවයි.

යානය වෙත එල්ල වූ මිසයිලය ගුවන්යානය ආසන්නයේ දී පුපුරාගොස් එමගින් නිකුත් වූ විවිධ කොටස් යානය අධික වේගයකින් යානය පසාරු කරගෙන ගොස් ඇති බවත් එම වාර්තාවෙන් පෙන්වා දෙයි.

ඇම්ස්ටර්ඩෑම් නගරයේ සිට ක්වාලාලම්පූර් දක්වා පියාසර කරමින් තිබූ මේ යානය මගීන් සහ කාර්ය මණ්ඩලය ඇතුළුව 298 දෙනකු සමග විනාශ වී ගියේය.

මෙම මූලික වාර්තාව පිලියෙල කිරිම සදහා ඕලන්ද ගුවන් ගමන් විමර්ෂකයන් විසින් අනතුරට පත් යානයේ කළු පෙට්ටියේ දත්ත, ගුවන් ගමන් පාලක දත්ත සහ චන්ද්‍රිකා ප්‍රතිබිම්බ මෙන්ම ඡායාරූපද විශ්ලේෂණ කර තිබේ. යානයේ සැකිල්ල ගැන විශ්ලේෂණයක් කළ විට එහි කොටස්වල විවිධ ප්‍රමාණයේ සිදුරු තිබෙන ආකාරය දැකගත හැකිවූ බව ඕලන්ද විශ්ලේෂකයෝ කියති.

එම්.එච්. 17 යානයේ මිසයිලය ගැටුණු බව මේ වාර්තාවෙන් පවසන්නේ නැත. ඔවුන් පවසන්නේ අධික වේගයෙන් ආ වස්තූන් විසින් යානය පසාරු කැර ඇති බවයි. යුක්රේනයේ බෙදුම්වාදී කොටස් මෙන්ම හමුදාව ද එකම ආකාරයේ බර අවි භාවිතා කරති. කවරකු විසින් මේ ප්‍රහාරය එල්ල කළා ද යන්න සෙවීමට මිසයිලය ස්ථානගත කැර තිබූ භූමිය හා එම ප්‍රෙද්ශයේ රේඩාර් තිරවල දත්ත ලබාගත යුතු බව ද පර්යේෂකයෝ කියා සිටිති.