සැබෑ මවගේ රැකවරණය අහිමි සයිබීරියා ව්‍යාඝ‍්‍ර පැටවුන් තිදෙනකුට මවක වී සිටිනා බැල්ලියෙක් පිළිඹදව චීනයේ හගසු සත්වෝද්‍යානයෙන් වාර්තා වේ.

මෙම ව්‍යාඝ‍්‍ර පැටවුන් තිදෙනා යන්තම් මසක් වයසැතිය.උපතේ පටන් ඔවුන්ට රැුකවරණය සැළසීම සැබෑ මව ප‍්‍රතික්ෂේප කිරීම නිසා සත්ත්වෝද්‍යාන භාරකරුවන් පත්වූයේ මහත් අසීරු තත්ත්වයකටය.මන්ද ළදරු වියේදී මෙම වර්ගයේ ව්‍යාඝ‍්‍ර පැටවුන්ට මවකගේ රැුකවරණය අත්‍යාවශ්‍යම වන බැවිනි.

ලැබුණු ආරංචියක් අනුව අසල ගම්මානයක සිටි මෑතකදී පැටවුන් ලැබූ බැල්ලක ඇයගේ පැටවුන් දෙදෙන සමගම සත්ත්වෝද්‍යානයට කැදවා ගෙන එන්නට සේවකයන් කටයුතු කරන්නේ මේ සමගය.අඩු තරමේ පැටවුන්ගේ අගය දන්නා මේ මවවත් මව් සෙනෙහස අහිමි ව්‍යාඝ‍්‍ර පොඞ්ඩන් තිදෙනාට සරණ වේ යැයි සිතාය.

ඔවුන්ගේ අදහස ඵල ගන්වමින් බැල්ල තම පැටවුන්ට සේම ව්‍යාඝ‍්‍ර පැටවුන්ටද සෙනෙහස පාන්න ගත්තීය.තම පැටවුන් වෙනුවෙන් එරෙන කිරි ඔවුන්ද හනි හනිකට උරා බොන විටදී ඒ සම්බන්ධයෙන් කිසිදු විරෝධයක් ඇයගෙන් පළ නොවුණි.

ප‍්‍රමාණයෙන් කුඩා වුවත් ව්‍යාඝ‍්‍ර පැටවුන් තිදෙනාට සැළකිය යුතු තරමේ කිරි ප‍්‍රමාණයක් අවශ්‍ය වේ.මෙනිසා පහර වැදී ඇත්තේ බැල්ලගේ සැබෑ පැටවුන් දෙදෙනාට බව සේවකයින් කියයි.කිරි උරාබොන තරගයේදී ඔවුන්ට ව්‍යාඝ‍්‍ර පැටවුන් හා හරි හරියට ගැටීමට සිදුව ඇත.

රුසියාවේ නැගෙනහිර ප‍්‍රදේශයන්හි වාසය කරන සයිබීරියානු ව්‍යාඝ‍්‍රයින් වදවී යාමේ තර්ජනය මුහුණපා සිටින සත්ත්ව කොට්ඨාශයකි.වාර්තා වන අන්දමට දැනට ස්වභාවික පරිසරයේ වාසය කරන්නේ 400 - 500 පමණ කුඩා අගයක සතුන් පිරිසකි.

මාස 18 ක් පමණ වන තෙක් සයිබීරියානු ව්‍යාඝ‍්‍ර පැටවුන්ට මවගේ රැුකවරණය අත්‍යාවශ්‍යම වන අතර වසය අවුරුදු 2 - 3 පමණ වන විට ඔවුන් තනි තනිව ජීවත් වීම අරඹන බව සදහන්ය.