එක්සත් රාජධානියේ යුරෝපා සංවිධානයෙන් ඉවත්වයාමට ගෙන ඇති තීරණය සමග ජාත්‍යන්තර කරළියේ ඇතිවී තිබෙන දේශපාලන වාතාවරණයත් සමඟ රුසියා ජනාධිපති පුටින් මෙම සිදුවීම දකින්නේ එක්තරා නාට්‍යක භූමිකාවක් ලෙසත්, තම පාර්ෂවය මෙම සිදුවීම ඔස්සේ පවතින දේ සම්බන්දයෙන් මැදිහත් නොවී පරීක්ෂාකාරීව බලා සිටින බවත් මෙය තමන් හඳුන්වන්නේ යූරේසියා ලෙස බවත් රුසියා ජනාධිපති ප්‍රකාශ කරයි. ඔහු එම ප්‍රකාශය කර තිබෙන්නේ චීනයේ ෂැංහයි නුවර පැවති ෂැංහයි සංස්ථා සංවිධාන සමුළුවට සහභාගී වූ අවස්ථාවේ දීය.

බ්‍රිතාන්‍ය අගමැති ඩේවිඩ් කැමරන් ප්‍රකාශ කර ඇත්තේ කිසියම් අර්බුදකාරී හේතු කීපයක් මත යුරෝපා සංගමයෙන් ඉවත් වීමට තීරණය කළ බවයි. මෙම තීරණය සම්බන්දයෙන් කළ ජනමත විචාරණයේ දී යුරෝපා සංගමයෙන් ඉවත්වීම ජයග්‍රහණය කළද එය පිටු පස ඝෘජුවම ඇත්තේ බ්‍රිතාන්‍යයේ ආගමන හා විගමන ප්‍රතිපත්ති මත පවතින්නා වූ අවාසි සහගත තත්වයක් බවත් ඒ අනූව එංගලන්ත ජාතිකයන්ට විදෙස් ශ්‍රමිකයන් මෙන්ම තම රටට ඇතුළුවන්නා වූ සංක්‍රමිකයන් හේතුවෙන් ඔවූහු දැඩි ආර්ථික අපහසුතාවයට ලක් වී සිටීමය. තවද වෙළඳ පොළ සීමා සහිතවීම, යුරෝපා සංගමයෙන් ඉවත්වීමෙන් පසුව කැමරන් රජයට පෙරට වඩා නිදහස් තීරණයන් තම රට වෙනුවෙන් ගත හැකි බව ද දැඩිමතධාරීන්ගේ  විශ්වාසයයි.

බ්‍රිතාන්‍ය යුරෝපා සංගමයෙන් ඉවත්වීමට තීරණය කිරීමත් සමගම රුසියාව හා චීනය ලෝක නායකත්වයට එක්වීමටත් එය ජාත්‍යන්තර දේශපාලනයේ නව පිටුවක් පෙරලීමට ද ඇති ඉඩකඩ වැඩි බවත් ඕස්ට්‍රේලියා දේශපාලන විචාරකයෝ පෙන්වාදෙති. මේ අතර ක්‍රිස්තියානි පූජක පෝල් බෙග්ලේ වීඩියෝ දසුන් ඔස්සේ අනාවැකියක් ලෙස පවසා ඇත්තේ පසුගිය සතියේ මැතිවරණ ප්‍රතිඵල වලින් සංඥාකර ඇත්තේ අගමැති ඩේවිඩ් කැමරන් ගේ රජයේ තීරණය යුරෝපා සංගමයේ අවසානය බවයි. පූජක පෝල් වැඩි දුරටත් කරුණු දක්වමින් පවසන්නේ මෙම සිදුවීම ඔස්සේ රුසියා ජනාධිපතිවරයා සමහර යුරෝපීය රටවල් සමගත්  තවද චීනය හා තවත් ආසියා රටවල් සමගත්   එක්වී රුසියාවේ න්‍යෂ්ටික බලය තවත් තහවුරුකර  ගැනීමේ අභිලාශයෙන් ඉදිරියේ දී කටයුතු කරන බවයි. තවද මෙම අවස්ථාවේ යුරෝපා සංගමය සමග එක් විය හැක්කේ උන්මත්තකයින්ට පමණක් බවත් ඔහු පවසා ඇති බව ජාත්‍යන්තර සමාජ මාධ්‍ය පෙන්වා දෙයි.

මෙම අර්බුදකාරී අවස්ථාව සමනය කරනු වස් ඇමරිකා එක්සත් ජනපද ලේකම් ජෝන් කෙරී සහ යුරෝපා සංගමයේ සභාපති ජේන් ක්ලූඩ් ජුන්කර් යන ප්‍රධානීන්ද බ්‍රසල්ස් හිදී මුණගැසී තිබේ. මේ අතර ඇමරිකා ජනාධිපති බරක් ඔබාමා මෙන්ම තවත් බටහිර රාජ්‍ය නායකයින් කිහිප දෙනෙකුම යුරෝපා සංගමය තුළ එක්සත් රාජධානිය රඳවා තබා ගැනීමේ අවසාන ප්‍රයත්නයේ ද රැඳී සිටින බව කියති.