2025 මැයි මස 09 වන සිකුරාදා
ශතවර්ෂයකට ආසන්න කාලයක් අකී‍්‍රයව පැවැති නවසීලන්ත ගිනි කන්දක් හිටිහැටියේ සකී‍්‍රය වී දුම් වලා පිට කිරීමත් සමඟ එරට ගුවන් ගමන් කටයුතු නවතා දැමීමට ගුවන් ගමන් පාලන අධිකාරිය ඊයේ (7) තීරණය කළේය.
සකී‍්‍රය වී දුම්වලා පිට කිරීම ඇරැඹුණේ දකුණු දිවයිනේ පිහිටි ටොන්ගාරිරෝ නමැති ගිනි කන්දෙනි. මෙම ගිනි කන්ද නැතහොත් යමහල මීට පෙර පුපුරා ගියේ 1897 වසරේදීය.
ගිනි කන්දෙන් නිකුත් වන දුම් වලාව මීටර් 6,100 ක් (අඩි 20,000) දුරට විහිදී ඇතැයි යමහල් විද්‍යාඥයෝ පවසති.
ගිනි කන්දෙන් නිකුත් වන දුම්වලාවේ පාෂාණ කොටස් සහ ගන අංශු ඇති අතර ඒවා ගුවන් යානා ඇන්ජින් තුළට ඇතුළු වුවහොත් ඇන්ජින් අකි‍්‍රය වීමට හේතු වන හෙයින් රට අභ්‍යන්තරයේ ගුවන් ගමන් වහා නැවැත්වීමට තමන් තීරණය කළේ යැයි එරට ගුවන් ගමන් පාලන අධිකාරිය වැඩි දුරටත් කියා සිටී.
නවසීලන්ත යමහල් විද්‍යාඥයන් පවසන්නේ මේ වනවිට ගිනි කන්දෙන් කුඩා ප‍්‍රමාණයේ පිපිරීම් කිහිපයක් දකින්න ලැබෙන බවය. ගිනි කන්දේ තවත් අලූත් විවරයක් නැතහොත් පැල්මක් දකින්න ලැබෙන බවත් එයින් ද දුම්වලා පිටවන බවත් විද්‍යාඥයෝ වැඩි දුරටත් කියා සිටිති.
ගිනි කන්දෙන් ලාවා නිකුත් වීමක් මෙතෙක් දකින්න ලැබී නැති හෙයින් එය සම්පූර්ණ වශයෙන් පුපුරා නොයනු ඇතැයි විද්‍යාඥයෝ විශ්වාස කරති. ගිනි කන්දෙන් නිකුත් වන අළු ප‍්‍රදේශ රැසකට පැතිර ගොස් ඇති අතර ඇතැම් මාර්ග වසා දැමීමට ද පොලිස් නිලධාරීන් පියවර ගෙන ඇතැයි වාර්තා වේ.
නවසීලන්ත අගමැති ජෝන් කී පැවැසුවේ ගිනි කන්දෙන් අනතුරක් සිදුවීමේ අවදානමක් ඇති බවට අනතුරු ඇඟවීම් ලැබුණහොත් ගිනි කන්ද අවට ප‍්‍රදේශවලින් ජනතාව ඉවත් කිරීමේ මෙහෙයුම් කඩිනමින් ආරම්භ කරන බවය.
ඒ සඳහා සිවිල් ආරක්ෂක බළකා සීරුවෙන් තැබීමට ද අගමැතිවරයා පියවර ගෙන ඇත. ඔවුන් ගිනි කන්ද ගැන නිරන්තරයෙන් විමසිල්ලෙන් සිටින බව ද මාධ්‍ය වාර්තා පෙන්වා දෙයි.
දූපත් රාජ්‍යයක් වන නවසීලන්තය පිහිටා ඇත්තේ ද ‘පැසිෆික් ගිනි වළල්ල’ට ඉහළින්ය. ‘පැසිෆික් ගිනි වළල්ල’ යනුවෙන් හැඳින්වෙන්නේ පැසිෆික් සාගර කලාපයට පහළින් ඇති පෘථිවි භූ තැටියකි. එම භූ තැටියේ සිදුවන වෙනස් වීම් හේතුවෙන් ගිනි කඳු සකී‍්‍රය වන අතර භූ කම්පන ද හට ගනී.
නවසීලන්තයේ ගිනිකඳු රැසක් ඇත. 1953 වසරේ රුපේහූ නමැති ගිනි කන්ද සකී‍්‍රය වී පුපුරා ගිය අවස්ථාවේදී එහි අළුවලින් ප‍්‍රදේශ කිහිපයක් මුළුමනින්ම වැසී ගියේය. එම අළු වළාවට මැදි වූ මගී දුම්රියක් පීලි පැනීමකට ලක් විය. එයින් දුම්රියේ ගමන් කළ 151 දෙනෙක් ජීවිතක්ෂයට පත්වූහ. රුපේහූ ගිනි කන්ද පිහිටා ඇත්තේ ද උතුරු දිවයිනේය.
රුසියන් ජනාධිපති ව්ලැදිමීර් පුටින්ගේ අණ පරිදි රුසියන් යුක්රේන යුද්ධය සම්බන්ධයෙන් ඇති කරගත් ඒකපාර්ශ්වීය තෙදින සටන් විරාමය, දින 30 ක් තෙක් දීර්ඝ කරන්නැ
ඇමෙරිකාවත්, මහා බ්‍රිතාන්‍යයත් අතරේ, නව වෙළෙඳ ගිවිසුමක් ඇති කර ගැණුනි. ඇමෙරිකන් ජනාධිපති ඩොනල්ඩ් ට්‍රම්ප් සහ බ්‍රිතාන්‍යය අග්‍රාමාත්‍ය කියේර් ස්ටාර
පාප් ධුරයට තේරී පත්වුණු14 වැනි ලියෝ පාප්තුමාට විදෙස් නායකයන්ගෙන් උණුසුම් සුබ පැතුම් හිමිවී ඇත. 14 වැනි ලියෝ පාප්තුමා බවට පත්වූයේ ඇමෙරිකන් කාදිනල් රොබට
ශුද්ධෝත්තම ෆ්‍රැන්සිස් පාප්තුමන් ස්වර්ගස්ථවීමෙන් පසු, පාප් ධුරය සඳහා සුදුස්සකු තෝරා ගැනීම සිදුවිය. ඒ, වතිකානයේ සිස්ටීන් දෙව්මැදුරේ පැවැති කාදිනල්ව
ශුද්ධෝත්තම ෆ්‍රැන්සිස් පාප්තුමන් ස්වර්ගස්ථවීමෙන් පසු, පාප් ධුරය සඳහා සුදුස්සකු තෝරා ගැනීම මීට සුළු මොහොතකට පෙර සිදුවිය. ඒ, වතිකානයේ සිස්ටයින් දෙව්මැ
රුසියන් ජනාධිපති ව්ලැදිමීර් පුටින් හමුවී සාකච්ඡා පවත්වා, චීනය සහ රුසියාව අතරේ උපාය මාර්ගික හවුල්කාරීත්වය වර්ධනය කර ගැනීම චීන ජනාධිපතිවරයාගේ මෙම සංච
2025 මැයි මස 09
9
0
ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
2025 අප්‍රේල් මස 29
1287
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
332
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
නවසීලන්තයේ ගිනි කන්දක් පුපුරයි
පියල් Wednesday, 08 August 2012 03:53 PM
ඔය වගේ දෙයක් ඉන්දියාවෙත් වෙයිද දන්නේ නැහැ. (නි)
සිරිනි Thursday, 09 August 2012 05:07 PM
ටොන්ගාරිරෝ ගිනි කන්ඳ තියෙන්නේ උතුරු දූපතේ මැද. රුපේහූ ගිනි කන්ඳ 1953දී පිපුරුණාම යමහල් ආවාටයේ රැඳිලා තිබුණු වතුර ගලලා වන්ගඑහු ගඟ පිටාර ගැලූ නිසා දුම්රිය පාලම කඩා වැටුණා. ඒ ගැන දන්නේ නැතුව ගිය නිසා දුම්රිය ගඟට වැටීමෙන් අනතුර සිදුවුණා. (නි)