නේපාලයේ හදිසි ජල ගැලීම් සහ නායයෑම් හේතුවෙන් 30 දෙනකු මියගොස් 18 දෙනකු අතුරුදන්ව ඇතැයි වාර්තා වේ.

සිදුවූ අනතුරු හේතුවෙන් තුවාල ලැබූ 12දෙනකු රෝහල් ගතකළ බව බලධාරීහු පවසති.

කාලගුණ අංශ වාර්තා කර ඇත්තේ පසුගිය දිනවල ආරම්භ වූ මෝසම් වැසි හේතුවෙන් මෙම තත්ත්වය උදාවූ බවයි.

නේපාලය හා ඉන්දියාව හරහා ගමන් කරන කොසි ගංගාව පිටාර මට්ටමට පැමිණ ඇති බවත් එහි හරස් අමුණු වල පිටාර දොරටු 56ක් විවෘත කර ඇති බවත් සඳහන් වේ.

ගංගාවේ ආසන්න පහත්බිම්වල බොහෝ දෙනාට ඉවත් වීමට දැනුම්දී ඇති අතර එම ප්‍රදේශ වලට මුදවාගැනීමේ කණ්ඩායම් පිටත්කර යවා ඇතැයි බලධාරීහු පවසති.

(රොයිටර් පුවත් ඇසුරිණි - 085)