IMG-LOGO

2024 අප්‍රේල් මස 15 වන සඳුදා


දේශපාලන කුළල් කෑමෙන් අවුල්වන නේපාලය

නේපාලයට නව ආණ්ඩුක‍්‍රම ව්‍යවස්ථාවක් සම්මත කර ගැනීම සඳහා තෝරාපත් කර ගන්නා ලද ව්‍යාවස්ථා සම්පාදක මණ්ඩලයට එම කාර්යය ඉටු කිරීමට නොහැකිව විසුරුවා හැරීමෙන් පසුව මාස තුනක් ගත වුවද ඉදිරි වැඩපිළිවෙළ ගැන එරට දේශපාලන පක්ෂ අතර එකඟත්වයක් ඇතිකර ගැනීමට තවම හැකිවූයේ නැත. 2008 දී තෝරාපත් කරගත් ව්‍යවස්ථා සම්පාදක මණ්ඩලය වසරක් ඇතුළත නව ආණ්ඩුක‍්‍රම ව්‍යවස්ථාවක් සම්පාදනය කොට සම්මත කරගත යුතුව තිබුණත් වසර හතරක් ගතවන තෙක් ඒ ගැන එකඟතාවක් ඇතිකර ගැනීමට එරට දේශපාලන පක්ෂවලට නොහැකි විය. ඒ වසර හතරක කාලය තුළ ආණ්ඩු හතරක් බලයට පත් වීමෙන් නේපාලයේ පවතින දේශපාලනයේ ස්වභාවය තේරුම් ගත හැකිය. එකඟතාවක් ලබා ගැනීමේ බලාපොරොත්තුවෙන් ව්‍යවස්ථා සම්පාදක මණ්ඩලයේ නිල කාලය වරින්වර දීර්ඝ කළ ද එම එකඟතාව මිරිඟුවක් විය. අවසානයේ දී වසරක කාලයක් සඳහා නිශ්චිත කාර්යයකට තේරී පත්වූ ව්‍යවස්ථා සම්පාදක මණ්ඩලයේ නිල කාලය තවත් දීර්ඝ කිරීම නීති විරෝධී යැයි එරට ශ්‍රේෂ්ඨාධිකරණය තීරණය කිරීම නිසා ව්‍යවස්ථා සම්පාදක මණ්ඩලය විසුරුවා හැරීමෙන් පසු දැන් රට පාලනය වන්නේ භාරකාර රජයක් මගිනි. ව්‍යවස්ථා සම්පාදක මණ්ඩලය විසුරුවා හැරීමෙන් පසු මාවෝවාදී කොමියුනිස්ට් පක්ෂයේ බබුරාම් භට්ටාරායි භාරකාර රජයේ අගමැතිවරයා වශයෙන් කටයුතු කරන නමුත් ප‍්‍රධාන විපක්ෂ වන නේපාල කොංග‍්‍රසය හා මාක්ස් ලෙනින්වාදී කොමියුනිස්ට් පක්ෂ එම තත්ත්වය පිළිගන්නේ නැත. නේපාල කොංග‍්‍රසයේ නායකත්වයෙන් යුත් භාරකාර රජයක් නොමැතිව පවත්වන ඡන්ද විමසීමකට ඔවුන් සහභාගි නොවන බව ප‍්‍රකාශ කිරීමෙන් නොවැම්බර් මාසයේ පැවැත්වීමට නියමිත ඡන්ද විමසීමේ වලංගුභාවය ගැන සැක උපදවයි. ආණ්ඩුක‍්‍රම ව්‍යවස්ථාවක් සම්මත කර ගැනීම වැනි බරපතළ කාර්යයක් ප‍්‍රධාන දේශපාලන පක්ෂයක සහභාගිත්වයෙන් තොරව සිදු කිරීමෙන් එහි සුජාතභාවය ගැන ප‍්‍රශ්නයක් මතු කරන හෙයිිනි. එමනිසා ඉදිරියේ පැවැත්වෙන ඡන්ද විමසීම වැදගත් වන්නේ ඊට ප‍්‍රධාන දේශපාලන පක්ෂ සහභාගි වන්නේ නම් පමණි. දැනට පවතින වතාවරණය අනුව එවැනි එකඟතාවක් ඇති කරගත හැකි ද යන්න ගැන බලාපොරොත්තු තැබිය නොහැක. වඩාත් බරපතළ වන්නේ ඉදිරි දින කීපය තුළ දී නේපාලයේ ශ්‍රේෂ්ඨාධිකරණයේ සහ මැතිවරණ කොමිසමේ නිල කාලය අවසන් වන නිසා ඒවාට පත්වීම් කරන්නේ කෙසේද යන්නයි. දැනට පවතින තත්ත්වය අනුව එම තනතුරු සඳහා ව්‍යවස්ථා සම්පාදක මණ්ඩලයෙන් නම යෝජනා කිරීමෙන් පසුව ජනාධිපතිවරයා පත් කිරීම සිදු කරයි. ව්‍යවස්ථා සම්පාදක මණ්ඩලය විසුරුවා හැර ඇති නිසා  එවැනි යෝජනාවක් ඉදිරිපත් කිරීමට ආයනතයක් නැත. දෙවැනිව පසුගිය මැයි මාසයේ දී ව්‍යවස්ථා සම්පාදක මණ්ඩලය විසුරුවා හරින විට ජනාධිපති රාම් බරාන් යාදෙව් අය-වැය ලේඛනයක් සම්මත කළේ මාස තුනකට පමණි. අගමැති භට්ටාරායි වසරක් සඳහා අය-වැය ලේඛනයක් ඉදිරිපත් කළ ද ව්‍යවස්ථා සම්පාදක මණ්ඩලයේ අනුමැතියක් නොමැති එය වසරක කාලයකට අනුමත කිරීම ජනාධිපතිරයා ප‍්‍රතික්ෂේප කළේය. එම නිසා මාස තුනක කාලයෙන් පසුව රජය වියදම් සඳහා අනුමැතිය ලබා ගන්නේ කෙසේද යන්න ගැටලූවකි. නාමමාත‍්‍ර විධායකයා වන ජනාධිපතිවරයා භාරකාර රජයේ අගමැතිවරයාගේ උපදෙස් පිළිගත යුතු යැයි අගමැති භට්ටාරායි අවධාරණය කළ ද ජනාධිපතිවරයා ඊට එකඟ වන්නේ ද යන්න සැක සහිතය. නේපාල කොංග‍්‍රසයේ යෝජනාවක් අනුව තනතුරට පත් රාම් බරාන් යාදෙව් තවමත් වැඩි කැමැත්තක් දක්වන්නේ එම පක්ෂයේ අදහස්වලට ය. එවැනි තත්ත්වයක් යටතේ එක විසඳුමක් වන්නේ විසුරුවා හරින ලද ව්‍යවස්ථා සම්පාදක මණ්ඩලය ආපසු කැඳවීම වුවද ඒ සඳහා විපක්ෂයෙන් පැනවෙන කොන්දේසිවලට අගමැති භට්ටාරයි එකඟ වන්නේ ද යන්න පැහැදිලි නැත. මෙම දේශපාලන අවුල් වියවුල් මැද නේපාල සමාජයේ බෙදීම් වඩාත් තීව‍්‍ර වන බව නිරීක්ෂකයෝ පෙන්වා දෙති. වරක් ශක්තිමත් එකතුවක් වූ මාවෝවාදී  කොමියුනිස්ට් පක්ෂයේ කොටසක් මොහාන් වෛද් කිරාන් යටතේ කැඞී ගොසින් නේපාල කොමියුනිස්ට් පක්ෂයේ ජන්ජාති සුළුතර කොටස් ඉන් ඉවත්ව ස්වාධීන කණ්ඩායමක් පිහිටුවා ගෙන ඇත. නේපාල කොංග‍්‍රසය ද  සුසිල් කොයිරාල. ෂර් බහදුර් සියුබා හා රාම් චන්ද්‍ර පවුන්ඩල් අතර බල අරගලයකට මැදිව තිබේ. වඩාත්ම තියුණු වන්නේ මදේසි හා ජන්ජාති ජන කොටස් සිය වාර්ගික අයිතිය වෙනුවෙන් දැඩිව පෙනී සිටීමයි. බලවත් සන්ධීය රාජ්‍යයක් නොවන විසඳුමකට ඔවුන්ගේ සහාය ලබාගැනීම අසීරුය. මාවෝ නායක ප‍්‍රචන්ඩ මෙම ජන කොටස් සමග එකතුව පිහිටුවා ගෙන ඇති සන්ධීය ප‍්‍රජාතන්ත‍්‍රවාදී සන්ධානය, සන්ධීය රාජ්‍යයක් වෙනුවෙන් පෙනී සිටින නමුත් නේපාල කොංග‍්‍රසය හා එක්සත් මාක්ස් ලෙනින්වාදී පක්ෂය ඊට සහයෝගය දෙන්නේ නැත. මේ අතර රාජාණ්ඩුවට පක්ෂපාති කොටස් රටේ පාලනය නැවතත් ගයනේන්ද්‍රට පවරා ඔහු රජ කළ යුතු යැයි ඉල්ලීම කරති. මෙවැනි සංකීර්ණ තත්ත්වයක් යටතේ ඊළඟ ඡන්ද විමසීම පැවැත්විය යුත්තේ නව ව්‍යවස්ථා සම්පාදක සභාවක් සඳහා ද නැතිනම් පාර්ලිමේන්තුවක් සඳහා ද යන්න තවත් ගැටලූවකි. මෙවැනි පසුබිමක් තුළ ලොව දුප්පත්ම රටවලින් එකක් වශයෙන් හැඳින්වෙන නේපාලයේ දේශපාලන අනාගතය ගැන සාධනීය තීරණ ගැනීමට එරට දේශපාලන පක්ෂ කනගාටුදායක ලෙස අපොහොසත් වීම සැබවින්ම ඛේදවාචකයකි.

සටහන: මහින්ද හත්තක
ශිෂ්‍යයෝ ආණ්ඩුවට එරෙහිව උද්ඝෝෂණයක කැරලි මර්දන පොලිසිය නේපාලයේ ජනාධිපති රාම් බරාන් නේපාල පාර්ලිමේන්තුව අගමැති බබුරාම් භට්ටාරායි



අදහස් (0)

දේශපාලන කුළල් කෑමෙන් අවුල්වන නේපාලය

ඔබේ අදහස් එවන්න

සයුරෙන් එතෙර

ඉරානයට පහර දෙන්න සුදුසු අවස්ථාව එනකල් ඉන්නවා
2024 අප්‍රේල් මස 15 2401 1

ඉරානයට පහරදීමට සුදුසු අවස්ථාවක් ලැබෙන තුරු බලා සිටින බව ඊශ්‍රායලය ඊයේ (15) පැවැසීය.


තවත් යුද්ධයක් එපා: ජගත් මහ ලේකම් කියයි
2024 අප්‍රේල් මස 15 695 1

මැද පෙරදිග කලාපයට හෝ ලෝකයට තවත් යුද්ධයක් දරා ගත නොහැකි බවත්, එම නිසා ඉරානයත් ඊශ්‍රායලයත්, අඩියක් ආපස්සට තැබිය යුතු බවත් එක්සත් ජාතීන්ගේ මහලේකම් ඇන්ටෝන


මෝදිගේ ජනතා පක්ෂය ප්‍රතිපත්ති ප්‍රකාශය එළිදක්වයි
2024 අප්‍රේල් මස 14 65 0

ඉන්දීය අග්‍රාමාත්‍ය නරේන්ද්‍ර මෝදි සහ ඔහුගේ ‘භාරතීය ජනතා පක්ෂය’ ඔවුන්ගේ ප්‍රතිපත්ති ප්‍රකාශය එළදැක්වීය.


ලෝක නායකයෝ ඉරාන මිසයිල ප්‍රහාරය හෙළා දකිති
2024 අප්‍රේල් මස 14 2858 5

ඉරානය සහ ඉරාකයේත් යේමනයේත් සිටින ඉරාන හිතවාදී සටන්කාමීන් පසුගිය 14 වැනිදා ඊශ්‍රායලයට මිසයිල සහ නියමුවන් රහිත ඩ්‍රෝන යානා 300 ක් යොදා ගනිමින් කළ ප්‍රහාරය


සිඩ්නි ප්‍රහාරකයා හඳුනා ගැනෙයි
2024 අප්‍රේල් මස 14 3855 3

ඕස්ට්‍රේලියාවේ වෙස්ට්ෆීල්ඩ් බොන්ඩි පළාතේ, සුපිරි වෙළෙඳ සංකීර්ණයක් තුළ පිහි ප්‍රහාර එල්ල කරමින් 6 දෙනකු මරා දැමූ ප්‍රහාරකයා 40 හැවිරිදි ජොඑල් කවුචි නමැ


ඉරානයෙන් ඊශ්‍රායලයට ප්‍රබල ප්‍රහාරයක්
2024 අප්‍රේල් මස 14 7242 2

මිසයිල සහ නියමුවන් රහිත ඩ්‍රෝන යොදා ගනිමින්, ඉරානය ඊශ්‍රායලයට ප්‍රහාරයක් එල්ල කළේය. පැය 24 ක් ඇතුළත, ඉරානයෙන් ප්‍රහාරයක් එල්ල වේවි යැයි සීරුවෙන් සිටි ඊ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 129 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1391 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1333 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site