අදින් වසර 9000ට පෙර ජීවත්වූ ජන සමූහයක් විසින් මැජික් වස්තුවක් සේ සළකමින් වන්දනාමාන කළ උල්කාෂ්ම කොටසක් සොයාගත් බව පුරාවිද්‍යාඥයෝ කියති.

ගිනිකොන දිග පෝලන්තයේ සිග්සිසින් හි පුරාවිද්‍යා හා මානවවංශ විද්‍යා ආයතනයේ පුරාවිද්‍යාඥයන් විසින් මේ සොයා ගැනීම සිදුකැර ඇත්තේ බටහිර පොමෙරේනියාවේ සිඩ්වේ කලපුවේ කරන ලද කැණීමක දී ය.

උල්කාෂ්ම කොටස සුරයක් සේ සැකසූ මුව අඟකට අතුල්කැර තිබුණු බව පුරාවිද්‍යාඥයන් පවසයි. සෙන්ටිමීටර 5.3 ක් දිගැති හා සෙන්ටි මීටර 3.5ක් පළලැති උල්කාෂ්මය යපස්, අයන් සල්ෆයිඩ් වැනි ඛණිජ බහුලව ඇති රන් පැහැයට සමාන කොටසකි. සංයුතිය පරීක්ෂා කිරිමේ දී එම පාෂාණය පෘථිවියට ආගන්තුක උල්කාෂ්මයක් බව තහවුරු වී ඇත.

ප්‍රාග් ඓතිහාසික යුගයේ සිටි මානවයා එය අහසින් වැටෙනු දැක ඉන් පුදුමයට පත්වන්නට ඇති බවත් ඉන් පසු එයට දේවත්වයෙන් සළකමින් වැඳුම් පිදුම් කරන්නට ඇති බවත් පුරාවිද්‍යාඥයන්ගේ මතයයි.

පර්යේෂණ කණ්ඩායමේ ප්‍රධානී ටේඩියස් ගැලන්ස්කි පවසන්නේ එයට ආවරණයක් තනා දී ඇත්තේ ද මේ ලෝකයට අයත් නොවන දෙයක් බව ඔවුන්ට අවබෝධයක් තිබීම හේතුවෙන් බවයි.

500-1

500-2

500-3