ඩුබායි පොලිසිය තම පොලිස් රථ බළඇණියට ලැම්බෝර්ගිනි මෝටර් රථයක්ද ඇතුළත් කරගෙන ඇත.

ලැම්බෝර්ගිනි සමාගමේ නවතම එළිදැක්වීමක් වන මේ ‘ඇවැන්ටඩෝර්‘ වර්ගයේ මෝටර් රථය පවුම් 300,000 ක්  (රුපියල් 57900000) පමණ මිල වේ. තත්පර 3 කදී පැයට සැතැපුම් 0 සිට පැයට සැතැපුම් 60 දක්වා වන වේගයක් අත්කර ගත හැකි මේ මෝටර් රථයේ උපරිම වේගය ලෙස සදහන් වනුයේ පැයට සැතැපුම් 217 කි.

මේ වර්ගයට අයත් තවත් මෝටර් රථ පොලිස් සේවයට එක්කර ගැනීමට සැළැසුම් කර ඇතැයි ඩුබායි පොලිසිය කියයි.මේ මෝටර් රථ අධිවේගී මාර්ගයන්හි සේවයේ යෙදවීමට බලාපොරොත්තු වන බව ඔවුන් පවසයි.