ෆ්ලෝරීඩා හි පාසලක සිදු වූ වෙඩි තැබීම නවත්වා ගැනීමට නොහැකි වීම සම්බන්ධයෙන් ඇමෙරික ජනාධිපති ඩොනල්ඞ් ට්‍රම්ප් එෆ්.බී.අයි ආයතනයට චෝදනා කරයි. 
 
එෆ්.බී.අයි ආයතනය රුසියාව තමන්ගේ ප්‍රචාරණ ව්‍යාපාරයට සම්බන්ධයෙන් වූයේ ද සෙවීමට බොහෝ කාලයක් ගන්නා අතරවාරයේදී ඔවුන්ට තවත් බොහෝ දේ මගහැරී ඇතැයි ට්විටර් ගිණුමේ පණිවුඩයක් දමමින් ඇමෙරිකා ජනාධිපතිවරයා එලෙස චෝදනා කළේය. 
 
එෆ්.බී.අයි ආයතනය ජනාධිපති ට්‍රම්ප්ගේ ජනාධිපතිවරණ ප්‍රචාරණ ව්‍යාපාරයට රුසියාව සම්බන්ධ වූ බවට එල්ල වන චෝදනා සම්බන්ධයෙන් විමර්ශනය කරන මේ නිසාම ජනාධිපතිවරයා සහ එෆ්.බී.අයි ආයතනය අතර නිරන්තරයෙන් මත ගැටුමේ ඇති වේ.  
 
“මගේ ජනාධිපතිවරණ ප්‍රචාරණ ව්‍යාපාරයට රුසියාව සම්බන්ධ වූ බව තහවුරු කිරීමට එෆ්.බී.අයි ආයතනය බොහෝ කාලයක් වැය කරනවා. රුසියාව ඊට සම්බන්ධ වුණේ. නියමිත වැඩ කොටස කරන්න. අපිට ආඩම්බර විය හැකි දෙයක් කරන්න” යැයි ට්‍රම්ප් ජනාධිපතිවරයාගේ ට්විටර් පණිවුඩයේ දැක්විණි.
 
ෆ්ලෝරීඩා පාසලේ වෙඩි තැබීමට සම්බන්ධ නිකොලස් කෘස් සම්බන්ධයෙන් තොරතුරු ලැබුණ ද ඒ අනුව කටයුතු කිරීමට නොහැකි වූ  බව එස්.බී.අයි ආයතනය ඉකුත් දා පැවැසීය. ෆ්ලෝරීඩා ප්‍රාන්තයේ පාක්ලන්ඞ් හි පාසලක සිදු වූ මෙම වෙඩි තැබීමෙන් 17 දෙනෙක් ජීවිතක්ෂයට පත්වූහ. 
 
ඒ.එෆ්.පී/රොයිටර් 
 
055