ප‍්‍රචණ්ඩ කි‍්‍රයා සිදුකර ටියුනීසියාවේ දේශපාලන අර්බුදයක් නිර්මාණය කිරීමට කුමන්ත‍්‍රණය කළ ඉස්ලාමීය සටන්කාමියකු සොයා ඝාතනය කිරීමට තම හමුදාව සමත් වූ බව ටියුනීසියා අගමැති අලී ලරායේද් ඊයේ (5) කියා සිටියේය.
අල් කයිඩාවට ද සම්බන්ධ එම සටන්කාමියා සොයා ඊයේ අලූයම ටියුනීසියා/ඇල්ජීරියා දේශසීමාව අසල ගම්මානයක වැටළීමක් සිදු කළ අවස්ථාවේදී ඔහු හමුදා සෙබළුන්ට කොටු වී වෙඩි තැබීමට පටන් ගත් බවත් හමුදාව පෙරළා ඔහුට පහර දීමේදී ඔහු ජීවිතක්ෂයට පත් වූ බවත් අගමැති අලී ලරායේද් වැඩිදුරටත් කියා සිටියේය.
මීට සති කිහිපයකට පෙර ටියුනීසියානු විපක්ෂ නායක මොහොමඞ් බ‍්‍රහ්මි ඝාතන සිද්ධියට සම්බන්ධ බව ද අගමැතිවරයා වැඩි දුරටත් කියා සිිටියේය
විපක්ෂ නායක මොහොමඞ් බ‍්‍රහ්මි ඝාතනයත් සමඟ ටියුනීසියා රජයට එරෙහිව ජනතා විරෝධතා ඉස්මතු විය. එම විරෝධතා උත්සන්න වෙද්දී අගමැතිවරයා කීවේ දෙසැම්බරයේ දී මහ මැතිවරණයක් පැවැත්වීමට තමන් කටයුතු කරන බවය.