නොවැම්බරයේදී පැවැත්වෙන ජනපතිවරණයේදී පසු තමන්ට යළි බලය හිමි වුණොත්, රුසියාව සමඟ එක් වී න්යෂ්ටික අවිහරණ කටයුතු වඩාත් පුළුල් අයුරින් සිදු කිරීමට බලාපොරොත්තු වන බව ඇමෙරිකා ජනපති බැරැක් ඔබාමා රුසියා ජනපති දිමිති්ර මෙඞ්වදේව්ට පෙරේදා (26) පැවැසුවේය. සෝල් නුවර න්යෂ්ටික සමුළුව අතරතුරේ, ජනපති ඔමාබා සහ දිමිති්ර මෙඞ්වදේව් අතර එම කතාබහ සිදු වූයේ මාධ්ය හමුවක් පැවැත්වීමට පෙරය. එහෙත් ජනපතිවරුන් දෙදෙනා නොදැන සිටිය ද මාධ්ය හමුවට පෙර ඔවුන් දෙදෙනා අතර පැවැති දෙබස මාධ්යවේදීන්ගේ කැමරාවල සහ මයික්රෆෝනවල සටහන් වී තිබුණි. ”මේ මාගේ අවසන් ඡන්දයයි. ඡන්දයෙන් මා දිනුවොත් මට පුළුවන් නිදහසේ කටයුතු කරන්න” ජනපති ඔබාමා, රුසියානු ජනපති මෙඞ්වදේව්ට පැවැසීය. ”මට ඔබේ තත්ත්වය තේරෙනවා. මා ඒ බව ව්ලැඩිමීර්ට දන්වන්නම්” යැයි මෙඞ්වදේව් පිළිතුරු දුන්නේය. රුසියානු ජනපති මෙඞ්වදේව් ජනපති ධුරයට සමු දීමට සූදානමින් සිටින අතර මීළඟට රුසියාවේ ජනපති ධුරයට පත් වන්නේ පසුගිය දා පැවැති ජනපතිවරණයෙන් ජය ගත් ව්ලැඩිමීර් පුටින්ය. ජනපතිවරුන් දෙදෙනාගේ මෙම දෙබස් මාධ්ය හරහා ප්රසිද්ධ වේ යැයි ඔවුන් නොසිතූ නමුත් ඇමෙරිකාවේ ඒ.බී.සී. පුවත් සේවය ඊයේ (27) එය ප්රසිද්ධ කිරීමට පියවර ගත්තේය. ඇමෙරිකා දේශපාලන විචාරකයන් පවසන්නේ නොවැම්බරයේ පැවැත්වෙන ජනපතිවරණයට මුහුණ දීමට සූදානමින් සිටින ඔබාමා ලොකු පීඩනයකින් සිටින බවත්, ජයග්රහණය කිරීමට හැකි වේ යන්න ගැන ඔහු අවිනිශ්චතායකින් පෙළෙන බවත්ය.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
ඡන්දෙන් දිනුවොත් රුසියාව සමඟ න්යෂ්ටික අවිහරණ පුළුල් කරනවා