කෙන්යාවේ සිදුවූ නායයෑම් වලින් මියගිය සංඛ්‍යාව 56ක් දක්වා ඉහළ ගොස් ඇතැයි වාර්තා වේ.

උගන්ඩා දේශ සීමාවේ පිහිටි බටහිර පොකොට් ප්‍රාන්තයට පසුගිය දින කිහිපයේ ඇදහැලුණු අධික වර්ෂාව හේතුවෙන් නාය යෑම් සිදුවිය.

මේ වනවිට ගංවතුර හා මඩ නායයෑම් හේතුවෙන් පාලම් හතරක් ගසාගෙන ගොස් ඇති අතර ගම්මාන වලට පිවිසෙන මාර්ග අවහිර වී තිබේ.

අතුරුදන්වූ සංඛ්‍යාව පිළිබඳ පැහැදිලි දත්ත ලැබී නොමැති බවත් අධික වැසි සහිත මීදුම නිසා මුදවාගැනීමේ මෙහෙයුම් අසීරු වී ඇති බවත් බලධාරීහු පවසති.

පොලිස් හෙලිකොප්ටර්යානා ගංවතුරට ලක්වූ ප්‍රදේශ වෙත ගමන් කරවීමට දැඩි වෙහෙසක් ගැනීමට සිදුවූ බව පැවසේ.

නැගෙනහිර අප්‍රිකාවේ අනපේක්ෂිත කාලගුණික රටාවන්ට හේතුව සාගර උණුසුම් වීම බව පර්යේෂකයෝ අනතුරු අඟවති. 

(රොයිටර් පුවත් ඇසුරිණි - 085)