ඕස්ට්‍රේලියා මහ මැතිවරණයේ පැහැදිලි ජයග්‍රාහකයකු නොමැති බැවින් එරට අගමැති මැල්කම් ටර්න්බුල්ට ඉල්ලා අස්වන්නැයි විපක්ෂය බලපෑම් කරන බව විදෙස් මාධ්‍ය වාර්තා පවසයි.

ආසන 150ක නියෝජනයක් ඇති ඕස්ට්‍රේලියා පාර්ලිමේන්තු මැතිවරණයේ අවසන් නිල ප්‍රතිඵලය මෙතෙක් නිකුත් කැර නොමැති අතර තැපැල් ඡන්ද ගණන් කිරීම අද ආරම්භ කෙරේ. වත්මන් පාලකයන්වන කන්සර්වේටිව් පක්ෂයට ආසන 67ක් ද විපක්ෂයට ආසන 71ක්ද හිමිව ඇතැයි එරට වාර්තා සඳහන් කරයි.

තවත් ආසන කිහිපයක් සුළු පක්ෂ අතර බෙදී ගොස් ඇතැයිද තවත් ආසන කිහිපයක ප්‍රතිඵල නිකුත් කිරීමට නියමිතව ඇතැයිද කියති.

අගමැති ටර්න්බුල් කියා ඇත්තේ තමාට බහුතර බලයකින් යුතුව ආණ්ඩුවක් පිහිටුවීමේ හැකියාව තවමත් ඇති බවයි.