පරාජිත පෙම්වතකුගේ ඇසිට් ප්‍රහාරයට ලක්වී මුහුණ විරූපී වූ ඇයගේ නම සොනාලි මුකර්ජී වේ. සැත්කමට මුදල් නැතිව ළතැවෙද්දී එරට රූපවාහිනී තරගයකින් රුපියල් විසි ලක්ෂයක් දිණුවාය.

ඇය දෙස බලන තැනැත්තෙකුට සිය මවිතය සගවාගැනීමට අපහසු වන්නේ ඇයගේ මුහුණ සම්පූර්ණයෙන්ම පාහේ පිළිස්සී ඇති හෙයිනි.ඒ මිීට වසර කිහිපයකට පෙර ඇයට එල්ලවී තිඛෙන ඇසිඩ් ප්‍රහාරයක් නිසාය.සොනාලි පවසන ආකාරයට ඇයගේ අතපතා පැමිණියෙකු  ප්‍රතික්ෂේප කිරීම නිසාවෙන් කෝපයට පත් වූ ඔහු සිය මිතුරන් සමග එකතුව ඇයට ඇසිඩ් ගසා ඇත.ඇය සහ ඇගේ දෙමව්පියන් අධිකරණයේ පිහිට පැතුවද විත්තිකරුවන්ට නිසි දඩුවම් ලබා දීමටවත් නිීතිය අපොහොසත් වී ඇත.ඒ විත්තිකරුවන්ට ලැබුණු දඩුවම කෙටි කාලීන සිර දඩුවමක් පමණක් වීම නිසාවෙනි.

සිය ස්වරූපය යථා තත්ත්වයට පත් කරගැනීමට සොනාලි ප්ලාසිටික් සැත්කම් වල පිහිට පතා ඇත.එයද හරිහැටි සිදුකරගැනීමට නොහැකි වී ඇත්තේ ඒ සදහා වන වියදම පවුලේ අයට දැරිය නොහැකි තරම් වීම නිසාය. ඉච්ඡා භංගත්වයට පත්වී සියදිවි නසාගැනීමට සොනාලි උත්සාහ කර ඇත්තේ වරක් දෙවරක් නොවේ.කෙසේ හෝ එක් වටයක ප්ලාස්ටික් සැත්කම් මාලාවක් සම්පූර්ණ කර ඊළග පියවර කරා යෑමට මුදල් අපහසුතා නිසා නොහැකිව සිටි අවස්ථාවකදී ඇය මේ වැඩසටහනට අයැදුම් කර තිබේ.

වැඩසටහන මෙහෙයවූ බොලිවුඩ් නළු අමිතාබ් බච්චන් සොනාලිගේ ජයග්‍රහණයෙන් පසු ඇයට සුභ පතමින්  ඇය මුලු මහත් ඉන්දීය ජනතාවටම ආදර්ශයක් බව පැවසීය.හිත ඇත්නම් පත කුඩාද යන්නට ඇය කදිම ආදර්ශයක් සපයන බවද හෙතෙම කීය.

ඇසිඩ් ප්‍රහාරය නිසා සොනාලිට අහිමිවී ඇත්තේ මුහුණ පමණක් නොවේ.ඇයගේ එක් ඇසක් හරි හැටි නොපෙනෙන අතර ශ්‍රවණේන්ද්‍රියන්ටද හානි වී ඇත.ඒ සියලූ බාධා මැඩගෙන හෙට දිනයේ ජීවිතය ජය ගැනීමේ අරමුණින් ඇය සිටින්නීය.ඒ සදහා මේ ජයග්‍රහණය ඇයට මහගු රුකුලක්ම වනු ඇත.