උතුරු කොරියාව විසින් කෙටිදුර මිසයිල දෙකක් ගුවන්ගතකර ඇතැයි දකුණු කොරියාව පවසයි.

න්‍යෂ්ටික අවි සහ මිසයිල සම්බන්ධයෙන් ඇමරිකා ජනපති ඩොනල්ඩ් ට්‍රම්ප් සමඟ එකඟතාවයකට පැමිණීමට නොහැකිවීමට විරෝධය පල කිරීම සඳහා මෙම ක්‍රියාව සිදුකරන්නට ඇතැයි ද දකුණු කොරියාව තවදුරටත් පවසයි.

මෙම මිසයිල වයඹ දිග කුෂොංග් සිට යොමු කරන ලද අතර කිලෝමීටර් 50ක උසකින් කිලෝමීටර් 420ක් හා 270ක් දුර ගමන් කරමින් මුහුදට පතිත වූ බව සඳහන් වේ. 

දින කිහිපයකට පෙර උතුරු කොරියාව මල්ටි රොකට් සහ මිසයිල කිහිපයක් අත්හදා බලනු ලැබීය.  

මේ සම්බන්ධව  නිවේදනයක් නිකුත් කරමින් පෙන්ටගනය සඳහන් කරන්නේ ඔවුන් එම වාර්තා අධ්‍යයනය කරමින් පරීක්ෂාකාරීව සිටින බවයි. 

"යවන ලද මිසයිල කෙටිදුර ඒවා වුවත් එමගින් එක්සත් ජාතීන්ගේ සම්මුතීන් උල්ලංඝනය කෙරෙනවා" යැයි දකුණු කොරියානු නායක මූන් ජී  පවසයි.

(රොයිටර් පුවත් ඇසුරිණි - 085)