න්යෂ්ටික අවි අත්හදා බැලීමේ කටයුතු තාවකාලිකව නවතා දැමීමට තීරණය කළ උතුරු කොරියා රජය, එක්සත් ජාතීන්ගේ සංවිධානයෙන් නිරීක්ෂකයන්ට එරටට පැමිණ න්යෂ්ටික කටයුතු අධීක්ෂණය කරන ලෙස ඊයේ (1) ආරාධනා කළේය.
උතුරු කොරියාව එසේ තීරණය කළේ ඇමෙරිකා රජය උතුරු කොරියාවට ටොන් 2,40,000 ක ආහාර සහනාධාරයක් ලබා දීමට කැමැත්ත පළ කිරීමෙන් පසුවය.
එම ආහාර සහනාධාරය ලබා ගැනීමට නම් තම න්යෂ්ටික අවි නිපදවීමේ කටයුතු සීමා කිරීමට උතුරු කොරියාවට සිදුවෙයි.
වසර ගණනාවක් තිස්සේ උතුරු කොරියාවට නායකත්වය දුන් කිම් ජොංග් ඉල් ඉකුත් දෙසැම්බරයේ දී මියගිය අතර, ඔහුගෙන් පසු නායකත්වය උරුම වූයේ කිම් ජොංග් ඉල්ගේ පුතු කිම් ජොං උන්ටය.
න්යෂ්ටික කටයුතු සහ න්යෂ්ටික මිසයිල අත්හදා බැලීමේ කටයුතු තාවකාලිකව නවතා දැමීමට තීරණය කළේ කිම් ජොංග් ඉල් සහ ඔහුගේ නව රජයයි.
ඉරානය මෙන් නොව උතුරු කොරියාව ඔවුන්ගේ න්යෂ්ටික වැඩසටහන යටතේ ප්රසිද්ධියේම න්යෂ්ටික අවි නිපදවයි. මිසයිල අත්හදා බැලීමේ කටයුතු ද විටින් විට සිදු කරයි.
උතුරු කොරියාවේ න්යෂ්ටික කටයුතු සම්බන්ධව සාකච්ඡා කිරීමේ අරමුණින් ඇමෙරිකාව, බටහිර රටවල් සහ එක්සත් ජාතීන්ගේ පරමාණු ශක්ති ඒජන්සිගේ නියෝජිතයෝ කිම් ජොංග් ඉල්ගේ රජය සමඟ අවස්ථා කිහිපයකදී සාකච්ඡා කළහ. එහෙත් එම සාකච්ඡා අසාර්ථක වූ අතර අන්දමින් උතුරු කොරියා රජය, හිතුවක්කාර ඔවුන්ගේ න්යෂ්ටික කටයුතු දිගටම කරගෙන ගියේය. 2009 වසරේදී පරමාණු ශක්ති ඒජන්සියේ නියෝජිතයන්ට උතුරු කොරියාවට පැමිණීමද තහනම් කෙරුණි.
ඉන්පසු උතුරු කොරියාවට දිගට හරහට සම්බාධක පැනවූ අතර එය රටක් ලෙස හුදෙකලා කෙරුණි.
”මා හිතන්නේ උතුරු කොරියා නව නායකයා සහ ඔහුගේ රජය ගත් තීරණය ඉතා නිවැරැදියි. ඔවුන් හරි මාර්ගයට වැටී ඇති බව අපට පෙනෙනවා.” යැයි ඇමෙරිකා රාජ්ය ලේකම් හිලරි ක්ලින්ටන් ඇමෙරිකාවේ වොෂින්ටන් නුවර පැවැති සෙනෙට් මණ්ඩල රැස්වීමකදී කියා සිටියාය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
උතුරු කොරියාව න්යෂ්ටික අත්හදා බැලීම් තාවකාලිකව අත්හිටුවයි