ඉරාකය සහ ඉරානය අතර සබඳතා ශක්තිමත් වීමට තමන් කිසිසේත් ඉඩක් ලබා නොදෙන බව ඇමෙරිකාව පවසයි. ඇමෙරිකා රජය මේ බව කියා සිටියේ සිරියා අර්බුදයේදී ඉරාකයත් ඉරානයත් බටහිර විරෝධී ස්ථාවරයක සිට කටයුතු කිරීම හේතුවෙනි. ඉරාකයත් ඉරානයත් අතර සබඳතා ශක්තිමත් වීම වළක්වමින් තමන් ඉරාක රජය හා එරට හමුදාව අතර සබඳතා තර කර ගැනීමට යුහුසුළුව කි‍්‍රයා කරන බව ඇමෙරිකා රජය පවසයි. ඇමෙරිකා හමුදා ඉරාක සංග‍්‍රාමය අවසන් කොට ඉරාකයෙන් පිටවී ගොස් මාස අටක් ගතවී ඇති නමුත් ඉරාකයේ ප‍්‍රචණ්ඩ කි‍්‍රයා තවමත් අවසන් වී නැත. ඇමෙරිකා රජය පැවැසුවේ ඉරාක රජය සහ හමුදාව අතර සබඳතා ශක්තිමත් කිරීමට ඇමෙරිකා හමුදා මාණ්ඩලික ප‍්‍රධානී ජනරාල් මාටින් ඩෙම්ප්සී ඉරාකයට යැවීමට ඔබාමා පරිපාලනය සූදානම් වන බවය. ජනරාල් ඩෙම්ප්සී මේ වනවිට ඇෆ්ගනිස්තානයේ සංචාරයක යෙදෙමින් සිටී. 2014 වසරේ දී ඇෆ්ගන් සංග‍්‍රාමය නිමා කර ඇෆ්ගනිස්තානයෙන් පිටවීමට ඇමෙරිකාව සූදානම් වේ. ඉරානය ඇෆ්ගනිස්තානයේ අසල් වැසියෙකි. ඇමෙරිකා හමුදා ඇෆ්ගනිස්තානයෙන් පිටවී ගිය පසු රටේ ආරක්ෂක කටයුතුවලට සහාය දීමට තමන් සූදානමින් සිටින බව ඉරානය අවස්ථා ගණනාවකදී ඇෆ්ගන් රජයට පවසා ඇත.