(ඒ.එෆ්.පී*
ඇමෙරිකාවේ ගිනි අවි සම්බන්ධයෙන් පවතින නීති දැඩි කිරීමට එළඹෙන වසර මුලදී පියවර ගැනීමට තමා සූදානමින් සිටින බව ජනපති බැරැක් ඔබාමා ඊයේ(20) ධවල මන්දිරයේදී පැවැති මාධ්ය හමුවකදී පැවැසීය.
පසුගියදා නිව්යෝර්ක් නුවරට යාබදව පිහිිටි කනෙක්ටිකට්හි පාසලක ඉගෙනුම ලැබූ කුඩා දරුවන් ඝාතනය කිරීමේ සිද්ධිය පදනම් කරගෙන ගිනිඅවි නීති සංශෝධනය පිළිබඳව ඇමෙරිකා රජයේ දැඩි අවධානය යොමු විය.
ගිනිඅවි භාවිතයට අදාළ නව නීති කෙටුම්පත් කිරීම සඳහා උප අගමැති ජෝ බයිඩන්ගේ මූලිකත්වයෙන් යුත් කමිටුවක් පත් කර තිබේ. මෙම ගිනි අවි නීති සංශෝධනයට අදාළ යෝජනාවලිය මෙම කමිටුව විසින් එළඹෙන ජනවාරි මාසයේදී ජනාධිපතිවරයා වෙත බාරදීමට නියමිතය.
‘‘ දේශපාලන බෙදීම් මධ්යයේ එය එතරම් පහසු කටයුත්තක් නොවන වග අප දන්නවා. ගිනිඅවි පිළිබඳ ගැටලූව ඉතා සංකීරණ එකක් මෙන්ම කිසිවක් නොකර සිටීමෙන් ඊට නිසි පිළිතුරක් නොලැබේ.’’ යනුවෙන් ජනපති ඔබාමා පැවැසීය.
හමුදා කටයුතු සඳහා භාවිතා කරන ප්රහාරක අවි තහනම් කිරීමට ඇමෙරිකානු ජනතාව කැමැත්ත පළ කරනු ඇතැයි ද ජනාධිපතිරයා සඳහන් කළේය.
නව නීති කෙටුම්පත් කිරීම සඳහා අදහස් ලබා ගැනීමට රටේ සිටින ප්රධාන නීතිවේදීන් හමුවීමට අගමැති ජෝ බයිඩන් ඇතුළු කමිටුව සූදානමින් සිටී.
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ඇමෙරිකාවේ ගිනිඅවි පිළිබඳ නීති සංශෝධනයට ඔබාමාගේ දැඩි අවධානය