පාකිස්තාන/ඇෆ්ගන් දේශසීමාවේ පිහිටි පාකිස්තාන හමුදා මුරපොළ දෙකකට ඇමෙරිකා හමුදාව නියමුවන් රහිත ඩ්රෝන යානා යොදා ගනිමින් පෙරේදා (26) එල්ල කළ මිසයිල ප්රහාර දෙකකින් පාකිස්තාන හමුදා සෙබළු 26 දෙනකු ජීවිතක්ෂයට පත්වීමත් සමඟ ඇමෙරිකාවත් පාකිස්තානයත් අතර ඇයිහොඳයිකම් යළිත් වරක් පළුඳු විය.
එම ඇමෙරිකා හමුදා ප්රහාරයට විරෝධය පළ කරමින් පාකිස්තාන/ඇෆ්ගන් දේශසීමාව හරහා ඇෆ්ගනිස්තානයේ හමුදා මෙහෙයුම්වල නියැලී සිටින ඇමෙරිකා සහ නේටෝ හමුදාවලට භාණ්ඩ සපයන සැපැයුම් මාර්ග වසා දැමීමටද පාකිස්තාන රජය තීරණය කළේය.
ඊට අමතරව පාකිස්තානයට අයත් බලූකිස්තාන ප්රදේශයේ ඇමෙරිකා හමුදාවට අයත් ෂම්සි ගුවන් කඳවුර වහාම ඉවත් කර ගන්නා ලෙසත් ඒ සඳහා ඇමෙරිකා රජයට දින 15 ක් දෙන බවත් පාකිස්තාන අගමැති යූසොෆ් රාසා ගිලානි නිවේදනය කර ඇත.
ඇෆ්ගනිස්තානයේ මෙහෙයුම්වල නියැලෙන විදෙස් හමුදා සෙබළුන්ට අවශ්ය බඩුබාහිරාදිය පාකිස්තානයේ කරච්චි නුවර සිට සැපැයීම සිදු කරන්නේ ඇෆ්ගන්/පාකිස්තාන දේශසීමාවේ ටෝක්හම් සහ චාමාන් යන මාර්ග හරහාය.
වසර 10 කට ආසන්න කාලයක් තිස්සේ පවතින ඇෆ්ගන් යුද්ධයේදී ඇමෙරිකාවට පාකිස්තානයේ සහාය අවශ්යය. එහෙත් පාකිස්තාන රජයට නොදන්වා පාකිස්තානයේ ඇබොට්ටාබාද් නමැති නගරයේ සැඟවී සිටි අල් කයිඩා නායකයා ඝාතනය කිරීමට ඇමෙරිකාව පියවර ගැනීමත් සමඟ දෙරටේ ඇයිහොඳයිකම් පළුඳු විය. බිඳ වැටුණු එම සබඳතා තවමත් ශක්තිමත් වී නැති අතර පෙරේදා සිදුවීමත් සමඟ තත්ත්වය තවත් බැ?රුම් වනු ඇතැයි දේශපාලන විචාරකයෝ බිය පළ කරති.
මේ අතර ඇමෙරිකාව විශේෂ ප්රකාශයක් කරමින් කියා ඇත්තේ පෙරේදා සිදුවූ ප්රහාරය සම්බන්ධයෙන් පුළුල් පරීක්ෂණයක් පවත්වන බවත් පාකිස්තාන රජය සමඟ සාකච්ඡාකර දෙරට අතර සබඳකම් යළිත් වරක් ශක්තිමත් කර ගැනීමට උත්සාහ ගන්නා බවත්ය.
2025 නොවැම්බර් මස 21
69
0
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
169
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1025
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
ඇමෙරිකන් හමුදා ප්රහාරයෙන් පාකිස්තාන සෙබළු 26 ක් මරුට
දේශාන් ලහිරු Tuesday, 29 November 2011 03:03 PM
ඇමෙරිකාව බොහොම වැරදි විදියට ක්රියා කරනවා
සුජීව Monday, 28 November 2011 08:09 PM
ඔන්න බලන්න
ශාන්ත Monday, 28 November 2011 11:01 PM
ඉවක් බවක් නැති මෙවැනි ප්රහාර හෙළා දැකිය යුතුයි