IMG-LOGO

2023 දෙසැම්බර් මස 08 වන සිකුරාදා


අරාබි ලීගයේ සාම සැලැස්ම සිරියා ජනපති ප‍්‍රතික්ෂේප කරයි

අරාබි ලීගය ඉදිරිපත් කළ සාම සැලැස්ම තමන් ප‍්‍රතික්ෂේප කරන බවත් සන්නද්ධ පිරිස්වලට දිගින් දිගටම පහර දෙන බවත් ධුරයෙන් ඉවත්වීම ප‍්‍රතික්ෂේප කරන සිරියා ජනාධිපති බෂීර් අල් අසාද් පවසයි. අරාබි ලීගය සිරියා ජනාධිපතිවරයාට එම සාම සැලැස්ම ඉදිරිපත් කර ඉල්ලා සිටියේ රටේ පවතින ප‍්‍රචණ්ඩ කි‍්‍රයා වහා නවත්වන ලෙසටය. එම සාම සැලැස්ම පිළිගන්නැයි අරාබි ලීගය, සිරියා ජනාධිපති අසාද්ට පසුගිය 19 වැනිදා තෙක් කල් දී තිබුණි. එහෙත් ජනපති අසාද් හෝ සිරියානු රජය හෝ එය පිළිගත්තේ නැත. එම දිනයේම සිරියාවේ ඩමැස්කස් අගනුවර පිහිටි පාලක පක්ෂ මූලස්ථාන ගොඩනැගිල්ලකට ෂෙල් වෙඩි ප‍්‍රහාර එල්ල විය. ඉකුත් මාර්තු මාසයේ සිරියාවේ නගර කීපයකින් ආරම්භ වූ එම ප‍්‍රචණ්ඩකි‍්‍රයා, ඩමැස්කස් අගනුවරට පැතිර ගිය පළමු අවස්ථාව වන්නේ මෙයයි. ජනාධිපති අසාද්ට එරෙහිව විරෝධතා ඇරැඹුණේ ද ටියුනීසියාවේ සහ ඊජිප්තුවේ විරෝධතා ඇරැඹි අවස්ථාවේදීය. සාම සැලැස්ම හමුවේ අරාබි ලීගය ජනාධිපති අසාද්ට කොන්දේසි කිහිපයක් පනවා තිබුණි. එම කොන්දේසිවලින් ඉතා වැදගත් කොන්දේසිය වන්නේ සිරියාවේ නගරවලින් හමුදාව ඉවත් කර ගැනීමය. අරාබි ලීගය අවධාරණය කරන්නේ උද්ඝෝෂකයන්ට එරෙහිව ප‍්‍රචණ්ඩත්වය යොදා ගැනීමෙන් වළකින ලෙසටය. එහෙත් ජනාධිපති අසාද් අරාබි ලීගයේ එම ඉල්ලීම ප‍්‍රතික්ෂේප කරයි. අරාබි ලීගය පවසන්නේ සිරියාවට දැඩි ලෙස සම්බාධක පැනවීමට කටයුතු කළ යුතු බවය. සිරියාවේ අර්බුදය විසඳීමට තමාට දැඩි අභිලාෂයක් ඇති නමුත් සිරියාවේ ප‍්‍රචණ්ඩ කි‍්‍රයා සිදු කරන්නේ විදේශවලින් ආධාර ලබන සන්නද්ධ පිරිස් යැයි ජනාධිපති අසාද් අවධාරණය කරයි. කෙසේ නමුත් ලිබියා අර්බුදයේ දී කළාක් මෙන් ඇමෙරිකාව හෝ වෙනත් බටහිර රටක් හෝ සිරියාවේ කැරැුලිකාර පාර්ශ්වයට එළිපිට ආධාර කරන බව පවසා නැත. සිරියාවේ හටගෙන ඇති අර්බුදකාරී තත්ත්වය සිරියාවට පමණක් සීමා වී නැත. සිරියාව ඇති කරගෙන තිබෙන ආරක්ෂක ගිවිසුම් හේතුකොට ගෙන රුසියාව සහ චීනයද සිරියාවට පක්ෂව කටයුතු කරයි. ලිබියාවට කළාක් මෙන් සිරියාවට එරෙහිව ද යෝජනාවලියක් ගෙන ඒමට ඇමෙරිකාව ප‍්‍රමුඛ බටහිර රටවල් එක්සත් ජාතීන්ගේ ආරක්ෂක මණ්ඩලය හරහා උත්සාහ කළ අවස්ථාවේදී රුසියාව සහ චීනය ඊට එරෙහි වූයේය. ඒ අනුව සිරියාවේ අර්බුදය සම්බන්ධයෙන් අන්තර්ජාතික මට්ටමින් බෙදීමක් පෙන්නුම් කරන බව දේශපාලන විශ්ලේෂකයෝ පෙන්වා දෙති. එම උත්සාහය අසාර්ථක වීමත් සමඟ ඇමෙරිකාව ප‍්‍රමුඛ පටහිර රටවල මීළඟ සැලැස්ම වී ඇත්තේ එක්සත් ජාතීන්ගේ මානව හිමිකම් කමිටුව හරහා සිරියාවට එරෙහි යෝජනාවලියක් ගෙන ඒමටය. මානව හිමිකම් කමිටුවේ සාමාජික රටවලට නිෂේධ බලය භාවිතා කළ නොහැකිය. එක්සත් ජාතීන්ගේ සංවිධානය පෙන්වා දෙන්නේ මේ වනවිට සිරියාවේ ගැටුම්වලින් 3,500 ක් සිවිල් වැසියන් ජීවිතක්ෂයට පත්ව ඇති බවය. එහෙත් සිරියා රජය පවසන්නේ ගැටුම්වලින් මියගොස් ඇත්තේ සිවිල් වැසියන් 619 ක් බවය. මීට අමතරව සන්නද්ධ පිරිස් එල්ල කළ ප‍්‍රහාරවලින් පොලිසියේ සහ හමුදාවේ අටසියයකට වැඩි පිරිසක් ද ජීවිතක්ෂයට පත්වී ඇති බව සිරියා රජය වැඩිදුරටත් කියා සිටියි. මේ අතර බටහිරින් සිරියාවට ප‍්‍රහාරයක් එල්ල වුවහොත් සිරියාවට ආරක්ෂාව දීමට රුසියාව ඔවුන්ගේ යුද නැව් ද සිරියාව අසල මුහුදට යවා ඇති බව වාර්තා වේ. අරාබි ලෝකයේ වඩාත් ශක්තිමත්ම හමුදාව ඇත්තේ සිරියාවටය. ඇමෙරිකාව සහ නේටෝව එක්වී ලිබියාවට මෙන් සිරියාවට ප‍්‍රහාරයක් එල්ල කළහොත් තමන් මුලින්ම පහර දෙන්නේ අසල්වැසි ඊශ‍්‍රායලයට යැයි සිරියා ජනාධිපති අසාද් අනතුරු අඟවයි. ඊශ‍්‍රායලයට ෂෙල් වෙඩි වරුසාවක් එල්ල කරන බව ද අසාද් වැඩිදුරටත් කියා සිටියි. සිරියාව පවසන්නේ ඇමෙරිකාවට ගැති ඊශ‍්‍රායලය රූකඩයක් බවය. න්‍යෂ්ටික අවි තනනවා යැයි චෝදනා කරමින් ඉරානයට පහර දෙන්න උත්සහ ගන්නේ ද ඊශ‍්‍රායලයයි. කෙසේ හෝ ඇමෙරිකාව සහ නේටෝව එක්වී සිරියාවට පහර දුනහොත් ඉරානය ද සිරියාවට සහාය පළ කරනු ඇත.



අදහස් (0)

අරාබි ලීගයේ සාම සැලැස්ම සිරියා ජනපති ප‍්‍රතික්ෂේප කරයි

කූඹියා Monday, 28 November 2011 02:43 PM

මේ ලිපිය ගැන අවංකවම සතුටුයි. බටහිර අනකිරීම් බිද දමා පෙරදිග ශක්තිමත් වීමට කාලය මේකයි

:       0       0

ඔබේ අදහස් එවන්න

සයුරෙන් එතෙර

නවදිල්ලියේ ඇෆ්ගන් තානාපති කාර්යාලය යළි වැඩ
2023 දෙසැම්බර් මස 08 20 0

ඉන්දියාවේ නවදිල්ලි අගනුවර තම තානාපති කාර්යාලය යළිත් ක්‍රියාත්මක කරන බව ඇෆ්ගන් තලේබාන් රජය පවසයි. නවදිල්ලියේ ප්‍රධාන තානාපති කාර්යාලයට අමතරව, මුම්බා


ඇමෙරිකන් කොංග්‍රසයට ක්‍රෙම්ලීනයේ පැසැසුම්
2023 දෙසැම්බර් මස 08 28 0

ඇමෙරිකා ජනාපධිති ජෝ බයිඩන් රජය, යුක්රේනයට ලබා දීමට සූදානම් වන හදිසි මුදල් ආධාර පැකේජය, එරට පාරිලිමේන්තුවේදී (කොංග්‍රස් මණ්ඩලය) සම්මත නොවීම සම්බන්ධයෙන


කුරානයට අපහාස බෑ: නව නීති එයි
2023 දෙසැම්බර් මස 08 1528 0

ශුද්ධ වූ කුරානයේ පිටපත් ප්‍රසිද්ධියේ ගිනි තබමින්, ඉස්ලාම් දහමට නිගරු කිරීම වැළැක්වීමට, යුරෝපා රාජ්‍යයක් වන ඩෙන්මාර්කය, නව නීති හඳුන්වා දී තිබේ.


පුටින් හමුවෙන්න ඉරාන ජනපති ඇවිල්ලා
2023 දෙසැම්බර් මස 08 566 0

ඉරාන ජනාධිපති ඊබ්‍රහීම් රයිසි සහ රුසියන් ජනාපධිති ව්ලැදිමීර් පුටින් අතර හමුවක් මොස්කව් අගනුවරදී පැවැත්විණි. රුසියාවට ඉරාන ජනාධිපතිවරයාට, රුසියන් ර


චීන ව්‍යාපෘතියෙන් ඉතාලිය ඉවත් වෙයි
2023 දෙසැම්බර් මස 07 2722 0

එක් මාවතක් එක් තීරයක් යන සංකල්පය ඔස්සේ, චීනය ක්‍රියාත්මක කර ඇති යටිතල පහසුකම් වර්ධනය කිරීමේ දැවැන්ත සංවර්ධන ව්‍යාපෘතියෙන් තමන් ඉවත් වන බව ඉතාලිය පවසා


ඇමෙරිකන් වෙඩි තැබීමක්: 3 ක් මරුට
2023 දෙසැම්බර් මස 07 762 4

ඇමෙරිකාවේ ලොස් ඇන්ජලීස් නුවර, නෙවාඩා විශ්ව විද්‍යාලයේ සිදුවුණු වෙඩි තැබීමකින් තිදෙනෙක් ජීවිතක්ෂයට පත්වූහ. විශ්ව විද්‍යාලයේ ආරක්ෂක අංශ නිලධාරීන් වෙ


මේවාටත් කැමතිවනු ඇති

ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව 2023 නොවැම්බර් මස 19 991 0
ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව

අද එක්සත් ජාතීන්ගේ ලෝක වැසිකළි දිනයයි. වසර 2030 වන විට ලොව පුරා සැමට පූර්ණ සනීපාරක්ෂව හිමි කර දීම ඉලක්ක කරගෙන “වේගයෙන් වෙනස කරා”

රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි 2023 නොවැම්බර් මස 01 745 2
රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි

නිෂ්පාදනය, අලෙවිකරණය හා බෙදාහැරීම යන අංශ ඔස්සේ නව්‍යකරණයෙන් පිරිපුන් උසස් තත්ත්වයේ කුඩ සහ මදුරු දැල් ඇතුළු නිෂ්පාදන පෙළක් හඳුන්වාදෙමින් ශ්‍රී ලාංකී

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 4729 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

Our Group Site