සිතල දුරුතු මහේ තවත් එක් උදෑසනකි.නීල් බියුලිව් වහ වහා සිය හිම පාරුව සූදානම් කළේ එදිනට ප්‍රදේශය නැරැඹිමට එන සංචාරකයන් රැගෙන ඒම සදහාය.හිම පාරුව පිළයෙල කර අවසන හෙතෙම සිය බලු  සුරතලූන් පිරිස කැදවාගෙන ඒමට ගියේ පාරුවේ බැදීමටය.

බල්ලා විසින් අදිනු ලබන හිම පාරු බ්‍රිතාන්‍යයේ  උතුරු හැම්ෂයර් ප්‍රාන්තයටම අනන්‍ය සංස්කෘතියේම කොටසකි.මේ හිම පාරු පැදීම සංචාරකයින්ගේද ආකර්ෂණය දිනාගෙන තිඛෙන අතර නීල් බියුලිව් යනු එම සංචාරකයන්ගෙන් දිවි සරිකරගන්නා බොහෝ හැම්ෂයර් ප්‍රාන්ත වැසයෝ අතුරින් තවත් අයෙකි.

නීල්ගේ සුරතලූන් අතරේ සිටිනා ‘‘ගොන්සෝ‘‘අන් අයගෙන් කැපී පෙනෙන්නේ පැහැය,ප්‍රමාණය වැනි හේතු නිසා නොව දෙනෙතම අන්ධ බැවිනි. ගොන්සෝගේ දෙනෙත්හි කිසියම් වරදක් ඇති බව නීල්ට පෙනී ගොස් ඇත්තේ දිනක් ගොන්සෝ සිය කෑම බදුන සොයාගැනීමට නොහැකිව දැගලු විටකදීය.ප්‍රතිකාර කළද පලක් නොවුණු තැන නීල් ගොන්සෝ හිම පාරුව ඇදීමේ රාජකාරියෙන් විශ්‍රාම ගැන්වීමට තැත් කළද එයට එකග වූයේ ගොන්සෝ නොවේ.ගොන්සෝ දෙනෙත් අඳ වූවද තමාට තවමත් වැඩ පෙන්විය හැකැයි පෙන්වූයේ නීල් මවිතයට පත්කරවමිනි.ගොන්සෝගේ සහයට සිටින්නේ එක කුස උපන් සොයුරු ‘‘පොන්චෝ‘‘ය.හිම පාරුව ඇදගෙන යන විටදී මග සොයාගැනීමට අපහසු වූ විටෙක ගොන්සෝ සිය සොයුරාගේ සිරුරට හේත්තු වෙයි.එමගින් පොන්චෝ ඇතුළු සෙසු සගයන් දුවන දිසාව හදුනාගැනීමට ගොන්සෝ සමත්ය. පොන්චෝද සිය අන්ධ සොහොයුරාට උදවු කිරීමට නිරතුරුවම සැදී පැහැදී සිටී.

ගොන්සෝගේ දැඩි අධිෂ්ඨානයත් පොන්චෝ සිය සොහොයුරා රැක බලා ගන්නා ආකාරයත් දකින තමා බාධක හමුවේ නොසැලී සිටීමට ඉගෙනගන්නා බව නීල් කියයි.