දර්ශන Tuesday, 19 January 2016 02:57 PM

හොඳ පැහැදිලි කිරීමක් (බ)

ජයලත් Tuesday, 19 January 2016 03:04 PM

විජිත් ඔයාගේ පැහැදිලි කිරීමට ස්තුති මේ අවලාන්ච් කියන වචනය ඉලෙක්ට්‍රොනික්වල එනවා ඒකට කියන්නේ හිම ධ්‍රැවය කියල නමුත් වැඩිය භාවිතා වෙන්නේ නැහැ (බ)

විජිත් Tuesday, 19 January 2016 07:20 PM

දර්ශන,ජයලත්, බොහොම ස්තුතියි. සමහරවිට ආයෙත් දවසක මේ පිටුවෙන් අපි හමුවේවි. (නි)

විජිත් Tuesday, 19 January 2016 11:34 AM

" ඇවලාන්ච් " යන නමින් ඉංග්‍රීසි සහ ප්‍රංශ භාෂා වලින් හඳුන්වන, මේ හිම කඳු කඩා වැටීමට අපේ භාෂාවෙන් " තනි වචනයක් " තිබෙනවාද කියා මගේ මතකයේ හැටියටනම් නැහැ. නමුත් මෙය බලනා ඔබ එසේ තනි වදනක් දන්නවානම් කරුණාකර මටත් කියන්න. හිම කඳු වල ඉහලින්ම ඇති " හිම සංචිතයේ " හෙවත් " හිම කුට්ටියේ "කොටසක් අනපේක්ෂිත මොහොතක පහතින් ඇති හිම ස්තරමත කඩාවැටීම නිසා, එදා මෙදා තුර මිනිස් ජිවිත සිය දහස් ගණනක් ලෝකයට අහිමිවුණා. " හිම සංචිතය" ලෝකයට ඉතාම වැදගත් එකක්. එහි ඇති හිම අංශු එකිනෙකට කිට්ටුවෙන් හොඳින් බැඳී තිබෙන්නේ. ඒ අංශුන් අතර ඇති " බල " හෙවත් පෘෂ්ටික ආතතිය ප්‍රභලයි. ඒ නිසා මේ හිම කුට්ටිය කඩා නොවැටී ගලක් මෙන් පවතිනවා. එය ඇත්තටම "ජල පෝෂකයක් ".කඳු පාමුලින් ඇති ගංගා,ඇල,දොළ වලට ජලය සපයන්නේ මේ ඉහලතියෙන " හිම කුට්ටියෙනි". වර්ෂාව, හිරු එලිය කෙලින්ම වැටීම, භූ කම්පන තරංග, වැනි ස්වාභාවික හෙතුන් මෙන්ම, දුම්රිය සහ හිම රථ ආදියෙන් ඇතිවන කම්පන,මෙන්ම පාලනයෙන් තිරව සිදුකරන " පිපිරීම් "ආදියෙන් මේ ඉහල ඇති හිම කුට්ටියේ අංශු අතර ඇති බල, ඈත් වෙන්නට ඉඩතියෙනවා. ඒ කියන්නේ හිම අංශු අතර ඇති පෘෂ්ටික ආතතිය බිඳී යනවා. ඒ සමගම ගුරුත්ව බලය නිසා ඒ බිඳීගිය හිම කඳු කොටස පහලට කඩා වැටෙනවා. ඒ සමගම හිමේ සැඟවී ඇති විශාල ගස්, මෙන්ම පස් කොටසුත් මහා ගංගාවක් මෙන් පහලට කඩා වැටෙනවා.මේ විනාශයෙන් බේරෙන්නට පහලින් සිටින අයට ඇති ඉඩ කට බොහොමත්ම අඩුයි. ඔය ගොල්ලෝ අහලත් ඇති " හිම කඳු තරණය කරන විට වැඩිපුර ශබ්ද නගා කතාකරන්නේ නැහැ. කියලා." ඒ කියන්නේ ශබ්ද තරංග වලින් ඇතිවන කම්පන වලින් පවා මේ හිම කඳු කඩා වැටීමට අවශ්‍ය මුලික ආරම්භය හෙවත් " ට්‍රිගර් වීම " ඇතිවීමට ඇති ඉඩකට වැඩි නිසායි. (ර)