ඇෆ්ගනිස්තානය, බංග්ලාදේශය සහ පාකිස්තානය යන රටවල සංක්‍රමණිකයන් රැගෙන ගමන් කරමින් තිබූ බෝට්ටුවක් පෙරළී යාමෙන් හත් දෙනකු මියගියහ.

තුර්කියේ ලේක් වෑන් ජලාශයේ දී මෙම බෝට්ටුව පෙරළී ගොස් තිබෙන අතර එහි සිටි 64 දෙනකු මුදා ගැනීමට සහන සේවකයන් සමත්ව තිබේ.

‘ලේක් වෑන්’ ජලාශයේ උතුරු දෙසට වන්නට පිහිටි බිට්ලිස් දිස්ත්‍රික්කයට සේන්දු වෙද්දී බෝට්ටුව පෙරළී ගිලී ගොස් ඇති බවත් එරට වේලාවෙන් අලුයම තුනට පමණ මෙම අනනුර සිදු වී ඇති බවත් තුර්කි බලධාරිහු කීහ.

මෙම ජලාශය ඉරානයට මායිම් වන අතර මේ ඔස්සේ සංක්‍රමණිකයන් බොහෝ පිරිසක් තුර්කියට පැමිණේ.

අනතුර සිදු වූ අවස්ථාවේදීම පස්දෙනකු මියගොස් ඇති අතර තවත් දෙදෙනකු රෝහල් ගත කිරීමෙන් අනතුරුව ජීවිතක්ෂයට පත්ව තිබේ. බේරාගත් 64 දෙනා ද ප්‍රතිකාර සඳහා රෝහල් ගත කළ බව තුර්කි බලධාරීහු සඳහන් කළහ.

රොයිටර්ස් 

055