ඉස්ලාමාබාද්හිදීය (රොයිටර්)

පාකිස්තාන මහ බැංකුව එරට රුපියලේ අගය අවප්‍රමාණය කිරීමට තීරණය කිරීමත් සමඟ එම මුදල් ඒකකයේ අගය අද (9) සියයට 7කින් පහළ වැටිණි.

එරට කොටස් වෙළෙඳපොළද අද කඩා වැටිණි. පාකිස්තානය මේ වනවිට ආර්ථික අර්බුදයකට මුහුණ පා සිටින අතර එම තත්ත්වය මත අන්තර්ජාතික මූල්‍ය අරමුදලෙන් ණය මුදලක් ද ඉල්ලා ඇත.

පසුගිය වසරේ දෙසැම්බර් මාසයේ සිට මේ දක්වා කාලයේදී පාකිස්තාන මහ බැංකුව අවස්ථා පහකදී එරට රුපියලේ අගය අවප්‍රමාණය කළේය. එහි ප්‍රතිඵලයක් ලෙස එම කාලය තුළ දී පාකිස්තාන රුපියලට එහි අගයෙන් සියයට 26කට ආසන්න ප්‍රමාණයක් අහිමි වී තිබේ.

මේ වනවිට පාකිස්තානය අන්තර්ජාතික මූල්‍ය අරමුදලෙන් ණය පැකේජයක් ඉල්ලා ඇති අතර රුපියල අවප්‍රමාණය කිරීම එහි පූර්ව අවශ්‍යතාවක් බව ද පැවසේ. අන්තර්ජාතික මූලය අරමුදල 2013 වසරේදීද පාකිස්තානයට එක්සත් ජනපද ඩොලර් බිලියන 6.7ක ණය මුදලක් ලබා දුන්නේය.

055