ඇමෙරිකාවේ වොෂින්ටන් අගනුවරට ඊයේ (18) පැමිණි මියන්මාර ප්රජාතන්ත්ර නායිකා අවුන් සාන් සූ කීට උණුසුම් පිළිගැනීමක් හිමිවිය. ඇමෙරිකානු පුවත් සේවා වාර්තා කර තිබුණේ ඇයට වීරවරියකගේ පිළිගැනීමක් හිමිවුණු බවය. සූ කී ඇමෙරිකාවට පැමිණෙන්නේ දශක දෙකකට පසුව වීම ද සුවිශේෂත්වයකි. අවසන් වරට ඇය ඇමෙරිකාවට පැමිණියේ 1990 වසරේ ඇගේ ප්රජාතන්ත්රවාදී ලීගය පක්ෂය මියන්මාර මැතිවරණයෙන් විශිෂ්ට ජයක් හිමි කර ගැනීමට පෙරය. එවකට මියන්මාරය පාලනය කළ හමුදා ජුන්ටාව, සූ කී වසර 20 කට වැඩි කලක් නිවාස අඩස්සියට පත් කර තැබුවේ ද එම මහ මැතිවරණයෙන් ජය ගැනීමෙන් පසුවය. ඇමෙරිකාවේ සිටිද්දී සූ කී 1969 වසරේ සිට 1971 තෙක් කාලයේ නිව්යෝක් නුවර එක්සත් ජාතීන්ගේ මූලස්ථානයේ රාජකාරි කළාය. මියන්මාරයේ ප්රජාතන්ත්රවාදය වෙනුවෙන් ඉටු කරන මෙහෙවර ඇමෙරිකාවේ පැසැසුමට ලක් වූයේ ඇය නිවාස අඩස්සියට පත් කළ දා සිටය. එවකට මියන්මාරයේ පැවැති හමුදා පාලනයට විරෝධය පළ කරමින් ඇමෙරිකාව ආර්ථික, වෙළෙඳ සහ දේශපාලන සම්බාධක පැනැවූයේ ද එහෙයිනි. හමුදා පාලනය අවසන් වීමෙන් පසු මියන්මාරයේ දැන් පවතින්නේ සිවිල් පාලනයකි. සිවිල් රජය නව දේශපාලන ප්රතිසංස්කරණ හඳුන්වා දී කි්රයාත්මක කිරීම නිසා අතුරු මැතිවරණයකින් ජයග්රහණය කළ සූ කී පාර්ලිමේන්තු මන්තී්රවරියක ද වෙයි. විදෙස් සම්බාධකවලින් මිදී රට ඉදිරියට ගෙන යෑමට මියන්මාර සිවිල් රජයේ ජනපති ත්වෙන් ස්වෙන් සූදානමින් සිටින අතර ඒ සඳහා ප්රජාතන්ත්ර නායිකාව මෙන්ම විපක්ෂ නායිකාව ද වන සූ කීගේ සහාය මියන්මාර රජයට ඉතා වැදගත් වේ. සූ කී ඇමෙරිකාවට පැමිණෙද්දී තවත් දේශපාලන සිරකරුවන් 500 දෙනකු නිදහස් කිරීමටද මියන්මාර රජය කටයුතු කළේය. එම සිරකරුවන් නිදහස් කිරීම සිදු වුණේ මියන්මාර රජය තවත් දේශපාලන ප්රතිසංස්කරණ කිහිපයක් කි්රයාවට නැංවීමේ ප්රතිපලයක් වශයෙනි. මියන්මාර ජනපති ත්වෙන් ස්වෙන් ද ඇමෙරිකාව ප්රමුඛ බටහිර රටවල පැසැසුමට ලක් වී සිටින අතර ඔහු ද තව දෙසතියකින් ඇමෙරිකා සංචාරයකට පැමිණෙනු ඇත. ඔහු ඇමෙරිකාවට පැමිණෙන්නේ ඇමෙරිකා රජයේ ආරාධනාවකටය. සූ කී ජනපති ඔබාමාගේ ඩිමොක්රටික් පක්ෂයේ පමණක් නොව ප්රතිවාදී රිපබ්ලිකන් පක්ෂයේ ද කැපී පෙනෙන තාරකාවක් වී ඇත. ඔබාමාගේ ප්රතිවාදියකු වන රිපබ්ලිකන් සෙනෙට් මන්තී්ර මිච් මැකොනෙල් ඇයට ආරාධනා කර ඇත්තේ කෙන්ටකි ප්රාන්තයට පැමිණ රිපබ්ලිකන් පාක්ෂිකයන්ගේ ඡුන්ද රැුස්වීමක දේශනයක් පවත්වන ලෙසටය. වොෂින්ටන් අගනුවර සංචාරයෙන් පසු ඇය නිව්යෝක්, බොස්ටන්, ඉන්දියානා, සැන් ෆ්රැන්සිස්කෝ සහ ලොස් ඇන්ජලීස් යන නගරවල ද සංචාරය කිරීමට නියමිතය.
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකා ගිය සූ කීට උණුසුම් පිළිගැනීමක්
සිල්වා Wednesday, 19 September 2012 12:25 PM
ආසියාවේ රටකට තවත් බටහිර ගැතියෙක්...(ස)
ඩියෝ Wednesday, 19 September 2012 07:00 PM
ලංකාවටත් එන්නකෝ. (නි)
සේනානායක Wednesday, 19 September 2012 01:39 PM
සැබැවින්ම වීරවරිවක්..(ස)
සමන්ත Wednesday, 19 September 2012 02:09 PM
ඒ ගොල්ලෝ නියම පාරේ අපි මඩ පාරේ ..(ස)
සල්ස් Wednesday, 19 September 2012 03:38 PM
මේවා රඟපෑම් කියලයි මට හිතෙන්නේ (ස)