ඇමෙරිකා එක්සත් ජනපදයේ ඇතැම් ප්රාන්තවලට බලපා ඇති මාරාන්තික සීත කාලගුණ තත්ත්වය නිසා මිලියන දස දහස් ගණනක් ජනතාව පීඩාවට පත්ව ඇතැයි විදෙස් මාධ්ය වාර්තා කරයි.
ඇතැම් ප්රාන්ත ඇන්ටාක්ටිකාවටත් වඩා සීතල යැයි ද එම පුවත් සේවා වාර්තා කර ඇත. මෙම මාරාන්තික සීත කාලගුණ තත්ත්වය හේතුවෙන් ගු-වන් ගොඩ බැස්සවීමට ද බාධා එල්ල වී තිබෙන අතර ඇතැම් ප්රාන්තවල පාසල් වසා දැමීමට සිදුව ඇත. කලකට පසු ඇමෙරිකානු කලාපයට බලපෑ දරුණුම සීත කාලගුණ තත්ත්වය මෙය යැයි පැවසෙන අතර ඒ හේතුවෙන් ප්රාන්ත රැසක දෛනික වැඩ කටයුතු රැසක් අඩපණ වී තිබේ.
මෙම අධික සීත කාලගුණ තත්ත්වය හේතුවෙන් ශරීර උෂ්ණත්වය අස්වාභාවික ලෙස අඩු වීමේ අවදානමක් ද හටගෙන තිබේ. එයින් පරෙස්සම් වන්නැයි බලධාරීන් මහජනතාවට අනතුරු අඟවා ඇත.
ඇමෙරිකා පුවත් සේවාවලට අනුව මෙම දරුණු සීත කාලගුණ තත්ත්වය හේතුවෙන් මේ වනවිට අට දෙනකුට ජීවිත අහිමි වී තිබේ. එසේ වුවත් මියගිය ගණන 21ක් යැයි ඬේලිමේල් වෙබ් අඩවිය වාර්තා කර තිබිණි.
ඇමෙරිකා එක්සත් ජනපදයේ ඇතැම් ප්රාන්තවල උෂ්ණත්වය සෙල්සියස් අංශක ඍණ 32ක් දක්වා අඩු වී ඇතැයි ද වාර්තා විය. මෙම දැඩි සීත කාලගුණ තත්ත්වය හේතුවෙන් නයගරා දිය ඇල්ල මිදීමට ලක්ව ඇත. දිය ඇල්ලෙන් කඩා හැලෙන ජල දහරාව මිදී අයිස් බවට පත්ව තිබෙන ඡායාරූප ද විදෙස් මාධ්ය වාර්තාවල දැක්විණි.
ඇමෙරිකාවට බලපා තිබෙන මෙම අහිතකර සීත කාලගුණික තත්ත්වය හේතුවෙන් චිකාගෝ නුවර ප්රධාන ගුවන් තොටුපොළ දෙකක පමණක් ගුවන් ගමන් 1,800කට වැඩි සංඛ්යාවක් අවලංගු කර තිබේ. මේ තත්ත්වය හේතුවෙන් නිවෙස්වලට වී සිටින ලෙස බලධාරීන් මහජනතාවට උපදෙස් දී තිබේ. ඇමෙරිකාවට බලපා තිබෙන මෙම අහිතකර සීත කාලගුණික තත්ත්වය හේතුවෙන් චිකාගෝ නුවර ප්රධාන ගුවන් තොටුපොළ දෙකක පමණක් ගුවන් ගමන් 1,800කට වැඩි සංඛ්යාවක් අවලංගු කර තිබේ.
මේ තත්ත්වය හේතුවෙන් නිවෙස්වලට වී සිටින ලෙස බලධාරීන් මහජනතාවට උපදෙස් දී තිබේ. ඉලිනොයිස්, මිචිගන් සහ විස්කොන්සින් යන ප්රාන්තවල පාසල්, විශ්ව විද්යාල සහ රජයේ ආයතන රැසක් වසා දැමීමටත් තැපැල් සේවා කටයුතු නවතා දැමීමටත් ප්රාන්ත බලධාරීන් පියවර ගෙන තිබූ අතර හදිසි තත්ත්වයක් ප්රකාශ කිරීමට ද බලධාරීන් පියවර ගෙන තිබිණි.
ඒ.එෆ්.පී./රොයිටර් සහ ඬේලිමේල් ඇසුරිනි
055
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකාවේ ප්රාන්ත රැසකට දැඩි සීත කාලගුණයක්