තලේබාන් සටන්කාමීන් පරාජය කිරීමට ඇමෙරිකාවට හැකියාවක් ලැබී නැති බවත්, 2014 වසරෙන් පසුවත් ඔවුන් ප්රචණ්ඩ කි්රයා අවුළුවමින්, ඇෆ්ගනිස්තානයේ රැඳී සිටීමට සූදානම් වන බවත් සඳහන් කරමින් ඇෆ්ගන් ජනපති කර්සායි තමන්ට එල්ල කරන චෝදනා තරයේ ප්රතික්ෂේප කරන බව ඇමෙරිකාව පවසයි.
තලෙයිබාන් සංවිධානය එල්ල කරන ප්රහාරවල මුවාවෙන් ඇමෙරිකාව තව දුරටත් ඇෆ්ගනිස්තානයේ රැඳී සිටීමට උත්සාහ දරන බවට ජනපති කරන චෝදනා සාවද්ය බව ද ධවල මන්දිර ප්රකාශක ජේ කාර්නි අවධාරණය කර කියා සිටී.
ධවල මන්දිර ප්රකාශක ජේ කාර්නි මේ බව සඳහන් කළේ ඉකුත් 10 වැනිදා ඇෆ්ගන් ජනපති ජාතිය අමතා කළ ප්රකාශයට ප්රතිචාරයක් වශයෙනි. ඇමෙරිකාවට පමණක් නොව ඇෆ්ගනිස්තානයේ ප්රචණ්ඩ කි්රයා සිදු කරන තලේබාන් සංවිධානයට ද ජනපති කර්සායි එම අවස්ථාවේදී දොස් පැවැරීය.
ඇෆ්ගන් ජනපති මෙසේ චෝදනා කළේ ඇමෙරිකාවේ නව ආරක්ෂක ලේකම් චක් හේගල් ඇෆ්ගනිස්තානයේ හදිසි සංචාරයකට පැමිණි අවස්ථාවේදීය.
‘ඇෆ්ගනිස්තානය ආරක්ෂා කර ගැනීම සඳහා ඇමෙරිකානු සෙබළුන් සිය රුධිරය හෙළා ඇති අතරම විශාල ධනයක් ද වැය කර තිබෙනවා. ඒ සියල්ලක්ම සිදු කළේ ඇෆ්ගන් වැසියන්ට සුරක්ෂිත ජීවිතයක් ගත කිරීමට අවස්ථාව සලසාදීමටයි.’ ධවල මන්දිර ප්රකාශකයා වැඩිදුරටත් කියා සිටියේය.
ලබන වසරේ එනම් 2014 දී සංග්රාම කටයුතු අවසන් කර, ඇමෙරිකාව ප්රමුඛ විදෙස් හමුදා ඇෆ්ගනිස්තානයෙන් පිට වී යෑමට නියමිතව සිටී. ඇමෙරිකා හමුදා එසේ පිට වී යන්නේ ඇෆ්ගන් ආරක්ෂක අංශ පුහුණු කර ඔවුන් ශක්තිමත් කිරීමෙන් ද පසුවය. එම පුහුණු කටයුතු මේ වන විට සිදු වෙමින් පවතී.
ජනපති කර්සායි බිය පළ කරන්නේ විදෙස් හමුදා පිටව යෑමෙන් පසු ඉරාකයේ සිදු වන අයුරින් ඇෆ්ගනිස්තානයේ ද ප්රචණ්ඩ කි්රයා උත්සන්න වෙතියි යන්න ගැනය.
තලේබාන් සටන්කාමීන් සමඟ සාම මාවතකට පිවිසීමටත්, පවතින අර්බුදයට දේශපාලනික විසඳුම් සෙවීමටත් කර්සායි 2004 වසරේ සිටම කටයුතු කළේය. ඒ සඳහා ඔහු සාම මණ්ඩලයක් ද පිහිටුවීය. එම සාම මණ්ඩලයේ නියෝජිතයෝ රැුසක් පසුගිය වසරවලදී තලේබාන් සටන්කාමීන් අතින් ජීවිතක්ෂයට පත්වූහ. ඒ අතර කර්සායිගේ සොහොයුරා ද වෙයි.
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකාව ඇෆ්ගන් ජනපතිගේ චෝදනා ප්රතික්ෂේප කරයි
කුමාර Wednesday, 13 March 2013 10:24 AM
සිහිබුද්දියෙන් ඇසිය යුතුයි (දී)