පාකිස්තානයේ සැඟවී සිටි අල් කයිඩා සංවිධානයේ දෙවැනියා වූ අබූ යාහා අල් ලිබී, ඩ්‍රෝන යානා යොදා ගනිමින් මරා දැමීමට සමත් වීම, බින් ලාඩන් ඝාතනයෙන් පසු අල් කයිඩාවට එල්ල කළ අතුල් පහරක් යැයි ඇමෙරිකාව ඊයේ (6) කියා සිටියේය. ”අල් ලිබී ඝාතනය වූ බව මේ වනවිට තහවුරු වී තිබෙනවා. එම ඝාතනය නිසා අල් කයිඩා සංවිධානය තවත් පසුබෑමකට ලක් වී තිබෙනවා.” යැයි ධවල මන්දිර ප‍්‍රකාශක ජිම් කාර්නී මාධ්‍ය හමුවක් පවත්වමින් ඊයේ පැවැසීය. ඇමෙරිකා හමුදාව සහ එරට සී.අයි.ඒ. බුද්ධි අංශය එක් වී ඩ්‍රෝන යානා යොදා ගනිමින් අබූ යාහා අල් ලිබී ඝාතනය කළේ ඉකුත් 4 වැනිදාය. එම අවස්ථාවේදී ඔහු සැඟවී සිටියේ ඇෆ්ගන්/පාකිස්තාන දේශසීමාව අසල උතුරු වසිරිස්තානයේ තලේබාන් සටන්කාමීන්ගේ තිප්පොළකය. පාකිස්තානයේ පමණක් නොව, යේමනයේ කි‍්‍රයාත්මක උතුරු අපි‍්‍රකා අර්ධද්වීපයේ කි‍්‍රයාත්මක අල් කයිඩා ජාලයේ මෙහෙයුම් සැලැසුම් කළේ අබූ යාහා අල් ලිබීය. ඇෆ්ගනිස්තානයේ සහ යේමනයේ ඇමෙරිකා හමුදා ඉලක්ක කර ගනිමින් ප‍්‍රහාර සැලැසුම් කළ තැනැත්තා ලෙස ද සී.අයි.ඒ. බුද්ධි අංශය අල් ලිබී හඳුනා ගෙන ඇත. ප‍්‍රධාන පෙළේ අල් කයිඩා නායකයකු ඝාතනය කිරීමට ඇමෙරිකා හමුදා සමත් වීම, ‘ත‍්‍රස්තවාදයට එරෙහි සටනේදී’ ලැබූ තවත් විශිෂ්ට ජයග‍්‍රහණයක් යැයි ජනපති බැරැුක් ඔබාමා ද පවසා ඇත. පසුගිය වසරේ මැයි මාසයේ පාකිස්තානයේ ඇබොට්ටාබාද් නගරයේ සැඟවී සිටි අල් කයිඩා නායක ඔසාමා බින් ලාඩන් ඝාතන මෙහෙයුම සිදුවුණේ ජනපති ඔබාමාගේ අධීක්ෂණය යටතේය.