මේ දිනවල ලොව විවිධ රටවල් තම තමන්ගේ සංස්කෘතිය අනුව අවුරුදු උදාව සැමරීමට සැරසේ.ඒවා අතර අමුතු හා අපූරු අලූත් අවුරුදු සැමරුම් විදිද එමටය.මේ සම්බන්ධව මෑතකදී අන්තර්ජාලයේ මත විමසුමක් සිදුකෙරුණු අතර එහිදී වැඩිම ඡන්ද ලබාගත් අලූත් අවුරුදු චාරිත්‍ර විධි 5 ක් ගැන තොරතුරුය මේ.

මත විමසුවේ පළමු ස්ථානය ලබා ගැනීමට සමත්ව ඇත්තේ චිලීයේ ටැල්කා නම් නගරයක සිදුවන අලූත් අවුරුදු චාරිත්‍රයකි.ටැල්කා නගර වැසියන් සෑම අවුරුද්දකදීම අලූත් අවුරුදු උදාව ගතකරනුයේ නගරයේ සුසාන භූමියේය. අලූත් අවුරුදු දිනයේදී මළවුන්ටත් සැබෑ ලෝකයට පැමිණීමට අවස්ථාව හිමිවන්නේ යැයි විශ්වාස කරන ඔවුන් අලූත් අවුරුදු උදාව තම මියගිය ආදරණීයයයන් හා එක්වීමට අවස්ථාවක් ලෙස සළකයි.ඒ නිමිත්තෙන් මුලූ නගරයම අලංකාර ලෙස සැරසීමටත් ඔවුන් කටයුතු කරති.සොහොන් පිටියක අලූත් අවුරුදු සැමරුවද දුක කිසිවෙකුට නොදැනේ.ඔවුන්ගේ විශ්වාසය ඒ තරමට ප්‍රබලය.

දෙවන ස්ථානයේ සිටින්නේ රුමේනියාවයි.මෙයට අයත් වන්නේ ගොවිපළ හිමියන් හා ඔවුන්ට අයත් සතුන්ය.රුමේනියාවේ ගොවිපළ හිමියන් අතර පවතින විශ්වාසයක් වනුයේ අලූත් අවුරුදු උදාවේදී සියලූ සතුන්ට කතා කිරීමේ හැකියාව ලැඛෙන බවයි.සතුන් කතා කරනවා ඇසෙන්නේනම් එය නරක පෙරනිමිත්තක් ලෙස ඔවුන් සළකන අතර එසේ නොඇසෙන්නේනම් අලූත් අවුරුද්ද සුභ වන්නේ යැයි ඔවුන් විශ්වාස කරයි.

තෙවන ස්ථානයේ සිටින්නේ අයර්ලන්තයයි.අයර්ලන්ත වැසියන් අලූත් අවුරුදු උදාවේදී පරණ පාන් රාත්තල් වලින් තමන්ගේ නිවෙස් බල බිත්ති වලට පහර දෙන බව සදහන්ය.ඔවුන් එසේ කරනුයේ අශුද්ධ ආත්මයන් තම තමන්ගේ නිවෙස් වලට අරක්ගෙන සිටින්නේ නම් ඔවුන් පලවා හැරිමේ විශ්වාසයෙන් බව පැවසේ.

සිව්වන ස්ථානය දකුණු අප්‍රිකාවේ ජොහැනස්බර්ග් නගර හිමිකරගෙන සිටී.අලූත් අවුරුදු උදාවට ප්‍රථම නගර වැසියන් තම තමන් පෙර අවුරුද්දේදී භාවිතා කළ රූපවාහිනී,මයික්‍රොවේව් උදුන්,රෙදි සෝදන යන්ත්‍ර ආදිය තම නිවාස වලින් එළියට විසි කර දමයි.බොහෝ විට මෙසේ බඩු භාණ්ඩ විසි කරනුයේ උස් ගොඩනැගිලි වල සිටය.මෙම සමය නගරයේ පොලිස් නිළධාරීන්ට නම් අන්තිම අශුභ කාලයක් බව පැවසේ.මෙම චාරිත්‍රය ලොව වෙනත් රටවල සිදුකෙරෙනුද දැකිය හැකිය.

පස්වෙනි තැන හිම සයිබීරියාවටයි. සයබීරියා වැසියන් අලූත් අවුරුදු උදාව සමරන්නේ ජලය මිදෙන තරම් ශීත ජලාශයක කිමිදීය.ඔවුන් තමන් හා මියගිය ගසක්ද රැගෙන යාම සිදුකරයි.

මේවාට අමතරව ස්කොට්ලන්තයේ සිදුවන සියලූ ඇදුම් උනා දමා සීත නදියකට පැනීම,වැනීසියේ නව අවුරුදු උදාවත් සමග සාන්ත මාර්කෝ චතුරස්‍රයට එක්වන සියගණනක් ජෝඩු ප්‍රසිද්ධියේ සිපවැළද ගැනීම වැනි චාරිත්‍රයන්ද අපූරු අවුරුදු චාරිත්‍ර ලැයිස්තුවේ දැක්වේ.