තම රටට එරෙහිව ප්රහාරයක් එල්ල කරන ඕනෑම විදේශයකට ප්රතිප්රහාර එල්ල කිරීමට පැකිලෙන්නේ නැතැයි ඉරාන විප්ලවීය හමුදාව අනතුරු අඟවයි. ඉරාන විප්ලවීය හමුදා ආඥාපති හුසේනි සලාමී එම අනතුරු ඇඟවීමක් කළේ, ඉදිරි මාස කිහිපයේදී ඊශ්රායලය නිසැකවම ඉරානයට ප්රහාරයක් එල්ල කරාවි යැයි ඇමෙරිකා ආරක්ෂක ලේකම් ලියොන් පැනේටා කළ ප්රකාශයකට පිළිතුරු දෙමිනි. ඉරානය තම හමුදා ශක්තිය ලෝකයට ප්රදර්ශනය කිරීමේ අරමුණින් මේවනවිට ගොඩබිම් යුද අභ්යාසයක් ද ආරම්භ කර තිබේ. දින කීපයක් තිස්සේ පැවැත්වෙන එම යුද අභ්යාසයට ඉරාන විප්ලවීය හමුදා සෙබළුන් ද සහභාගී වන බව ඉරාන පුවත් සේවා වාර්තා කර තිබේ. යුද අභ්යාසය පැවැත්වෙන්නේ තෙහෙරාන් අගනුවරට කිලෝ මීටර් 1,200 ක් දුරිනි. ඉරානය මීට පෙර හෝමූස් සමුද්ර සන්ධියේදී පැවැත් වූ නාවික අභ්යාසය ඇමෙරිකාව, ඊශ්රායලය ඇතුළු බටහිර රටවල දැඩි විරෝධයට හේතුවක් විය. ඉරානය එම නාවික යුද අභ්යාස පැවැත්වූයේ ඇමෙරිකාව ප්රමුඛ බටහිර රටවලින් එල්ල වන තර්ජන ගර්ජන හමුවේ තමන්ට හෝමූස් සමුද්ර සන්ධිය වසා දමා ලෝක තෙල් සැපැයුමට බාධා එල්ල කළ හැකි යැයි පෙන්වීමටය. ඉරානය ඇමෙරිකාව සහ බටහිර ලෝකයේ උදහසට ලක්වී සිටින්නේ ඔවුන්ගේ න්යෂ්ටික වැඩසටහන හේතුවෙනි. ඉරානය තරයේ කියා සිටින්නේ ඔවුන්ගේ න්යෂ්ටික වැඩසටහන රටේ බලශක්ති අර්බුදයට විසඳුමක් සෙවීමේ අරමුණින් කි්රයාත්මක බවය. එහෙත් ඇමෙරිකාව ප්රමුඛ බටහිර ලෝක බලවතුන් පවසන්නේ ඉරානය හොර රහසේ පරමාණු බෝම්බ නිපදවන බවය. ඇමෙරිකාවේ හිතවතකු වන ඊශ්රායලය පවසන්නේ ඉරානය ලොව තර්ජනයක් වී ඇති බවත් ඉරානය මට්ටු කිරීමට ඉරානයට පහර දීමක් කළ යුතු බවත්ය. කලාපීය වශයෙන් ඊශ්රායලයට එල්ල විය හැකි තර්ජන සැලකිල්ලට ගනිමින් රජයේ ආරක්ෂක වියදම් වැඩි කිරීමට ද ඊශ්රායල අගමැති බෙන්ජමින් නෙදන්යාහු තීරණය කර ඇත. එම තීරණය ගනු ලැබුවේ අගමැති නෙදන්යාහූගේ ප්රධාx නත්වයෙන් පෙරේදා (4) පැවැති කැබිනට් හමුවේදීය. මීට අමතරව අගමැති නෙදන්යාහු ලබන මාසයේදී ඇමෙරිකාවේ සංචාරයක යෙදීමට නියමිත බවත් එහිදී ඇමෙරිකා ජනාධිපති බැරැක් ඔබාමා හමුවී ඉරාන අර්බුදය ගැන සාකච්ඡුා පවත්වනු ඇති බවත් ඊශ්රායල රජය පවසයි. න්යෂ්ටික වැඩසටහන හේතුවෙන් ඉරානය හුදෙකලා කිරීමට ඇමෙරිකාව උත්සාහ ගනී. ඔවුන් ඉරානයට තෙල් අපනයන සම්බාධක සහ ආර්ථික සම්බාධක පැනැවීමට කටයුතු කර ඇත්තේ ද එහෙයිනි. එක්සත් ජාතීන්ගේ සංවිධානය ද මේ වනවිට ඉරානයට එරෙහිව අවස්ථා හතරකදී සම්බාධක පනවා තිබේ.
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
තායිවානයට අනවශ්ය ලෙස ළං වී, ‘රතු ඉර’ පනින්න එපා යැයි චීන රජය වෙනුවෙන් එරට අග්රාමාත්ය වැංග් ඊ ඊයේ (25) බෙයිජීං අගනුවරට පැමිණි ඇමෙරිකන් රාජ්ය ලේකම් ඇන්
නැගෙනහිර අප්රිකානු රාජ්යයක් වන ටැන්සිනියාවට මහ වැසි ඇද හැලෙයි. මහ වැසි සමඟ පළාත් රැසක් ජලයෙන් යටවී ඇති බව ද වාර්තා වේ. අයහපත් කාලගුණය හේතුවෙන් මරණ 150 ක
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අපට පහර දෙන ඕනෑම රටකට පෙරළා පහර දෙනවා