IMG-LOGO

2024 මැයි මස 26 වන ඉරිදා


අම්මාගේ සිරුරට ගිනිතබා මැරූ නරුම පුතා

පොලිස් පො​ෙතන්

 

මනුෂ්‍යයන් පමණක් නොව තිරිසනුන් පවා තම ලෙයින් මසින් දරුවකු බිහිකර කවා පොවා ලොකු මහත් කරන්නේ මහත් සෙනෙහසකිනි. විශේෂයෙන්ම මවක් මාස නවයක් සිය බිලිඳු කලලය කුස තුළ රැක බලාගෙන මෙලොවට බිහිකර සිය ලෙය කිරට හරවා බිලිඳු කුස පුරවා රැක බලාගන්නේ එම දරුවාගෙන් කිසිදු දෙයක් ලබා ගැනීමේ පටු අපේක්ෂාවෙන් නොවේ.


එවන් පුතකු සිය මව පණපිටින් සිටිය දී පුලුස්සා මරා දැමීමට පෙළඹුණා නම් එය අහස පොළොව නුහුලන්නේ නැති අපරාධයකි.  


වයස අවුරුදු 79 ක් වූ මෙම මව පිළිස්සි මියයාමේ සිද්ධිය කාලයේ වැලිතලාවෙන් වැසෙන්නට නොදී හෙළි දරව් වූයේ පොලිසියේ දක්ෂතාව නිසාය.   


මෙම මනුෂ්‍ය ඝාතනය වාර්තා වූයේ කරන්දෙණිය පොලිස් වසමට අයත් පහළ කිරිපේද්ද ප්‍රදේශයෙනි.  
මේ මව ජීවත් වූයේ සිය පළමු විවාහයේ පුතෙකු සමඟය. ඔහු විවාහකයෙක් වුව ද බිරිඳ ඔහු හැර ගොසිනි. ඔහුට දරුවන් සිටියේ නැත. මේ නිසා මෙම නිවසේ ජීවත් වූයේ මවත් බින්දු නමැති අන්වර්ථ නාමයකින් හැඳින් වූ මේ පුත්‍රයාත් පමණි.  


මව නිද‌ාගන්නේ නිවසේ කෑම කාමරයේ ඇඳකය. ඉකුත් දෙසැම්බර් මස පළමු වැනිද‌ා ඇය නිද‌ාසිටිය දී ඇයගේ සිරුරට ගිනි ඇවිලෙන්නේ අලුයම 1.30 ට පමණය. ගින්නෙන් පිළිස්සෙන ඇය වේදනාවෙන් මොරදෙද්දී නිවසේ නිද‌ා සිටි බින්දු අසල්වාසීන්ද කැඳවාගෙන පැමිණ වතුර ඉස ගින්න නිවා දමා ඇත. ඉන්පසු ඔහුන්ගේ දැනුම් දීම මත ගින්නෙන් පිළිස්සී බරපතළ තුවාල ලබා සිටි මව 1990 ගිලන් රථයකින් ඇල්පිටිය මූලික රෝහලට රැගෙන ගොස් ඇත.  


උදෑසන 5.30 ට පමණ කරන්දෙණිය පොලීසියට ලැබුණෙ පැමිණිල්ලකින් කියැවුණේ 79 හැවිරිදි මවක් කාමරයක් තුළ නිද‌ා සිටිය දී ගින්නෙන් දැවී රෝහල් ගත කළ බවය. මේ ගින්න කෙසේ සිදු වුවා ද යන්න අබිරහසක් විය. 

 
පොලීසියට ලද පැමිණිල්ල මත කරන්දෙණිය පොලිස් ස්ථානාධිපතිවරයාගේ උපදෙස් මත විවිධ පැමිණිලි අංශයේ ස්ථානාධිපති පොලිස් පරීක්ෂක පී.එම්. ඉරාන් මහතා ඇතුළු පොලිස් කණ්ඩායමක් ඇල්පිටිය මූලික රෝහලට ගොස් ඇයගෙන් ප්‍රකාශයක් ලබා ගැනීමට උත්සාහ කළ ද එය අසාර්ථක වූයේ ඇය ඉතා අසාධ්‍ය තත්ත්වයේ පසු වූ නිසා බව වෛද්‍යවරු පැවසූහ.  


පසුව ගිනිගත් නි​ෙවසට පැමිණ පරීක්ෂා කිරීමේ දී මිය ගිය මව නිද‌ා සිටි කාමරයේ දොරගුළු දමා තිබුණ ද යතුර තිබුණේ කාමරය පිටත පැත්තේය. එහෙත් මව කෑ ගසන ශබ්දයට බින්දු ගොස් බලා තිබුණේ අනෙක් පැත්තෙනි.   


කාමරයේ වූ ජනේලය ඇරගෙන මව නිදා සිටින බව දැන සිටියේ පුතා වූ බින්දු පමණක් බව ද පොලීසිය හෙළිකර ගත්තේය.  


මෙම මව ඇල්පිටිය මූලික රෝහලේ ප්‍රතිකාර ලබමින් සිටිය දී 02 දා රාත්‍රී 11.40 ට පමණ අවසන් හුස්ම හෙළු අතර එම ආරංචිය ලැබීමත් සමඟ පොලීසිය පුතාව අත්අඩංගුවට ගනු ලැබීය.  


ඉන්පසුව කළ ප්‍රශ්න කිරීම් වලදී මේ මිනිස් ඝාතනය සිදු වූ අයුරු හෙළිකරගන්නට පොලීසිය සමත් විය.   
ඒ අනුව බින්දු පෙට්‍ර්ල් රැගෙන ආ බෝතලය ඔහු කැලයට විසිකර දමා තිබිය දී ඔහු ලවාම සොයා ගැනීමට හැකිවිය. නිවසේ සිට මීටර් සියයක පමණ දුරින් ඉන්ධන පිරවුම්හල් දෙකක් හා පෙට්‍ට්‍රල් අලෙවි කරන කඩ තිබුණ ද නොවැම්බර් 30 වනද‌ා සවස 2.20 ට පමණ ඔහු පා පැදියකින් කුරුඳුගහහැතැප්ම නගරයේ වූ ඉන්ධන පිරවුම් හලට ගොස් පෙට්ට්‍රල් බෝතලයක් රැගෙන ආ බව හෙළිවිය.  


සී.සී.ටී.වී දර්ශන පරීක්ෂා කිරීමෙන් එය සනාත වූ අතර ඉන්ධන පිරවුම් හලේ සේවකයා ද ඔහු හඳුනාගනු ලැබීය. බින්දු මෙම පෙට්‍ට්‍රල් බෝතලය ලබාගෙන එකවර කරන්දෙණිය දෙසට නොගොස් මද දුරක් ඇල්පිටිය දෙසට ගමන් කර ආපසු නි​ෙවසට පැමිණ ඇති බව ද කළ පරීක්ෂණ වලදී හෙළි වූ අතර ඒ නිසා මෙම ඝාතනය ඔහු සැලසුම් කර කරන ලද්දක් බව ද පොලීසියට පැහැදිලි විය.  


මෙම මියගිය කාන්තාවට විවාහ දෙකකින් දරුවන් සිටිති. ඇයගේ දෙවන සැමියා ද කලින් විවාහකව දරුවන් සිටි අයෙකි. මෙම දරුවන් සෑම දෙනාම ආරවුලකින් තොරව ජීවත්ව ඇත. සැකකාර බින්දු මුල් විවාහයේ පුතෙකි.  


මියගිය මවගේ දෙවන විවාහයේ පුතෙක් යුද හමුද‌ාවේ සිට යුද්ධයේ දී මිය ගොස් ඇත. ඒ මගින් මේ මවට මාසිකව රුපියල් අසූ දහසක් පමණ මුදලක් ලැබී ඇත. සැකකරු සුදුවට හා මත්වතුර පානයට තදින් ඇබ්බැහි වී සිටින අයෙකි. ඔහු මුදල් ඉල්ලා නිතර නිතර මවට කරදර කර ඇත. මෙම ඝාතනය සිදුකර ඇත්තේ මේ මුදල් ගැනීමේ චේතනාවෙන් බවයි පොලිස් පරීක්ෂණවල දී හෙළි වී ඇත්තේ.  


ඇල්පිටිය මහේස්ත්‍රාත් සමීර දොඩංගොඩ මහතා සිද්ධිය වූ ස්ථානයට ගොස් මහේස්ත්‍රාත් පරීක්ෂණය පැවැත් වූ අතර පොලීසිය සැකකරු අත්අඩංගුවට ගෙන ඇල්පිටිය මහේස්ත්‍රාත් අධිකරණය වෙත ඉදිරිපත් කර තිබේ.   
ඇල්පිටිය කොට්ඨාස භාර පොලිස් අධිකාරී සතිස් ගමගේ මහතාගේ උපදෙස් පරිදි අම්බලන්ගොඩ කොට්ඨාස භාර සහකාර පොලිස් අධිකාරී ආර්.එම්.එන්. රත්නායක මහතාගේ අධීක්ෂණයෙන් කරන්දෙණිය පොලිස් ස්ථානාධිපති ප්‍රධාන පොලිස් පරීක්ෂක ප්‍රසන්න ඇල්ගිරිය, කරන්දෙණිය පොලීසියේ විවිධ පැමිණිලි අංශයේ ස්ථානාධිපති පොලිස් පරීක්ෂක පී.එම්. ඉරාන්, පාලන අංශයේ ස්ථානාධිපති පොලිස් පරීක්ෂක ප්‍රභාත්  ස්ථානාධිපති උප පොලිස් පරීක්ෂක මෙන්ඩිස්, පොලිස් පරීක්ෂක රණවීර යන මහත්වරු ඇතුළු පොලිස් කණ්ඩායමක් මෙම පරීක්ෂණ සිදුකර තිබේ.

 

 

ඇල්පිටිය, චන්ද්‍රසිරි ගුණසේකර



අදහස් (0)

අම්මාගේ සිරුරට ගිනිතබා මැරූ නරුම පුතා

ඔබේ අදහස් එවන්න

තක්සලාව

අලුත් අවුරුද්ද රටට සහ ඔබට කොහොමද?
2024 අප්‍රේල් මස 12 4345 1

ලෝකායන විද්‍යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්‍රහචාරය ද


පිළිකා රෝගීන්ගේ හීන පාට කළ බලාපොරොත්තුවේ ඡායා දැක්ම
2024 අප්‍රේල් මස 08 85 0

‘අපි අපේ ආදරණීයයන් සමඟ ජීවත් වන්නේ බලාපොරොත්තු සහ සිහින පොදි බැඳගෙනය. ඒත් සුව කළ නොහැකි රෝගයක් ඇතැයි දැනගන්න ලැබුණොත් ඒ සියල්ල අවසන්ය. ඔබ කාන්තාවක නම්,


මෙවර අවුරදු නැකතෙන් මොනවා වෙයිද ?
2024 මාර්තු මස 25 1556 1

මෙවර සූර්ය මංගල්‍යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්‍රේල් මස 13 වැනි ශනිදා රාත්‍රී 9.05ට වන අතර එම අවස්


මේ නම් හෙණකඳයෙක්ම තමයි
2024 මාර්තු මස 02 526 0

මිහිමත සෑම අස්සක් මුල්ලක්ම ගවේෂණය කරමින්, සතුන්ගේ විස්මිත තතු අනාවරණය කරන නවතම වාර්තා වැඩසටහන ‘‘පෝල් ටු පෝල් විත් විල් ස්මිත්’’ ය. මෙම වාර්තා වැඩසටහන්


facebook මිත්‍රයාට 20 යි
2024 පෙබරවාරි මස 10 188 0

මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්‍රියතම සමාජ මාධ්‍ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.


වගකීමට වඩා වගවීම අදහන අතිරේක ලේකම්වරිය
2024 පෙබරවාරි මස 10 296 0

බුද්ධිමත් ශක්තිමත් ගැහැනිය සාම්ප්‍රදායික ස්ත්‍රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 946 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2492 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2135 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site