IMG-LOGO

2025 පෙබරවාරි මස 10 වන සඳුදා


අත්ලේ පිහිටි ලප වලින් හෙළි​ෙවන රහස්

අත්ලේ පිහිටන රේඛා, මණ්ඩලවල ස්වභාවය මෙන්ම අත්ලක පිහිටන විවිධ සලකුණු මගින්ද කෙනෙකුගේ ජීවිතයට බලපාන සුභ අසුභ තත්ත්වයන් විග්‍රහ කළ හැකිය. ඒ අයුරින් අත්ලේ පිහිටන විවිධ සලකුණු පිළිබඳව පසුගිය ලිපිවලින් විස්තර කළ ඔබට මතක ඇතැයි සිතමි. අද අපි විස්තර කරන්නේ තවත් එවැනිම සලකුණක් පිළිබඳවයි. ඒ අත්වල පිහිටන ලප පිළිබඳවයි.  

ලපය කියා හැඳින්වුවත් හැම එකක්ම රවුම් ආකාර නොවේ. නොයෙකුත් හැඬයට ඒවා පිහිටිය හැක. සමහර ඒවා දිගැටි හැඩයෙන් යුක්තවන අතර සමහර ඒවා තිතක් මෙන් පිහිටිය හැක. සමහර ලප ප්‍රමාණයෙන් ලොකු වුවත් පුංචි ලපද දැකිය හැකියි. පාට ගැන කිව යුත්තේත් ඒ ටිකමයි. හැම ලපයක්ම කළු නොවන අතර දුඹුරුපාට, රතුපාට ලපද පිහිටිය හැකියි. අත්ලේ පිහිටි කළු පාට ලපවලින් අසුභපල වැඩිවන අතර දුඹුරු හෝ රතු පාට ලපවලින් ඒ තරමට අශුභ තත්ත්වයක් නොවන බව හස්ත රේඛා විද්‍යාවේ සඳහන් වෙයි.  


සමහර අයගේ අත්වල උපතින්ම ලප පිහිටිය හැකි අතර සමහර අයගේ ටික කලකට ලප වැටිය හැකියි. මේ අයුරින් කුමන විදියේ ළප වූවත් අත​්ලෙන් එම ලප දර්ශනය වන තාක්කල් ඒවායෙහි විපාක ලැබෙන බව විශේෂයෙන් අමතක නොකළ යුතුය. මේ අයුරින් අත්ලේ යම් යම් ස්ථානවල ලප වැටීමෙන් ඇතිවන පළාපල කෙසේද කියා දැන් අපි සලකා බලමු.  


මණ්ඩලමත   


1. මේ සමග පළවන රූප සටහනේ 1 සටහන කර ඇති ස්ථානය දෙස දැන් බලන්න. ගුරු මණ්ඩලය මත වැටෙන එම ලපය සුභ පිහිටීමක් නොවේ. කොපමණ සැප සම්පත් තිබුණත් නිරන්තරයෙන්ම එය මානසික පීඩාවන් ඇතිවීමට හේතුවෙයි.  


2. මැදඟිල්ලේ මුල පිහිටි සෙනසුරු මණ්ඩලය මත පිහිටි ලපයෙන් හදිසි අනතුරකට මුහුණ පෑමට සිදුවන බව පෙන්නුම් කරයි.  


3. නොයෙකුත් විදියේ නින්දා අපහාස විදීමට සිදුවෙන හෙයින් රවි මණ්ඩලයටත් ලපය අසුභය. එවැන්නන්ගේ ඇස්වල ආබාධ ඇතිවන අතර සමහර විට ඇස් අන්ද වීමටද හේතුවෙයි.  


4. අංකය සටහන් වී ඇත්තේ බුධ මණ්ඩලයේය. ලපය එම ස්ථානයේ පිහිටීම ස්නායු දුර්වලතා ඇතිවීමට හේතු වන්නකි.  


5. කැපීම්, කැඩීම්, වැටීම වැනි දෙයකින් තුවාල සිදුවිය හැකි බැවින් දෙවෙනි කුජ මණ්ඩලයටත් ලපය අසුභ පිහිටීමකි.  


6. චන්ද්‍ර මණ්ඩලයේ කළු හෝ රතු ලපයෙන් හදිසි විපතක් මූර්තිමත් වෙයි. අනුන් හට ණය වී පීඩා විඳින අයගේ අත්වලද ඉහත සලකුණු පිහිටිය හැක.   


7. යම් සමාජ රෝගවලින් පීඩා විදින අයගේ අත්වල එම සිකුරු මණ්ඩලය මත කළුලප දැකිය හැක. එම ලප දුඹුරු පැහැයෙන් යුතුනම් ඔහු හෝ ඇය නෂ්ට කාමයෙන් පෙළෙන අයෙකු බව සඳහන් වෙයි.  


8. වැනි අංකය සඳහන් වැදගත් ස්ථානය අයත් වන්නේ 1නි කුජ මණ්ඩලයටයි. කුජ ග්‍රහයා සටන් කාමියෙකි. මේ නිසා තුවක්කු, පිහි, කඩු කිනිසි වැනි අවි අයුධ වලින් මරණයට පත්වෙන අයගේ අත්වල මෙම පළමුවෙනි කුජ මණ්ඩලයෙහි කළු පාට ලප වැටිය හැක.  


9. මෙම ස්ථානය කුජ තලාව ලෙස හඳුන්වෙයි. මෙයත් කුජ ග්‍රහයාගේ බලපැම් ලබන ස්ථානයක්. අත්ලේ මැද පිහිටි කුජ තලාවේ ඇතිවන ලපයෙන් නඩුහබ හෝ සතුරු කරදර ඇතිවන බව පෙන්වයි.  


10. මහපටැඟිල්ලේ නිය පිහිටි පුරුකේ ඇති ලපයෙන් කියැවෙන්නේ එම අයට ස්නායු දුර්වලතාවක් ඇති බවය. එවැනි ලපයක් ඇත්තේ නම් ඔහුගේ හෝ ඇයගේ පියා මියගොස් තිබිය යුතුයි.  


11. මහපටඟිල්ලේ ඇති ලපයෙන් සතුරු කරදරයක් නිසා සිදුවන හදිසි විපතක් පෙන්නුම් කරයි   


12. කරන කියන කටයුතු සියල්ල නිශ්ඵලවන බව දඹර ඇඟිල්​ෙල් නිය පිහිටි පුරුකේ පිහිටි ලපයෙන් කියාපායි.  


13. මෙම ස්ථානයේ ලපය ඉතා අසුභයි. ඉතා සමීපව ඇසුරු කරන අයකුට කරදරයක්. විපත්තියක් සිදුවිය හැක.  


14. එම ඇඟිල්ලේ තුන්වෙනි පුරුකේ ලපයද අසුභය. රැකියා සම්බන්ධ කරදරයක් පෙන්වයි.  


15. එම ලපයෙන් ඔහුට හෝ ඇයට මැලේරියාව වැනි බෝවෙන රෝගයක් වැලදෙන බව ප්‍රකාශවෙයි.  


16. ජලයාත්‍රාවක ගමන් කරමින් සිටින අවස්ථාවක සිදුවන අනතුරක් කියැවෙයි.  


17. පදිංචි ස්ථානයට සම්බන්ධ සතුරු කරදර බලපාන බව පෙන්නුම් කරයි.  


18. වෙදගිල්ලේ එවන් ලප නිසා ප්‍රේම සම්බන්ධයක් බිඳ වැටෙන බව මතක තබගන්න.  


19. සමාජ තත්ත්වයේ කිසියම් බිඳ වැටීමකට හේතුවෙයි.  


20. ඇස්.කන්, නාසා වැනි හිසට සම්බන්ධ ඉන්ද්‍රියක ආබාධ ඇතිවෙයි.  


21. සුළැගිල්ලේ නිය පිහිටි පුරුකේ ලපය අධ්‍යාපන කටයුතු වලට අසුභය.  


22. දුරදිග නොබලා කරන කාර්යයන්වලින් කරදර ඇතිවිය හැක.  


23. ජලය, ගිනි, සුළි සුළං වැනි ස්වභාවික හේතුවකින් තමාට ලොකු අලාභයක් සිදුවේ.  

 


රේඛාමත ලප සලකුණු  


කිසිම රේඛාවකට ලපයේ සලකුණ සුභ පිහිටීමක් නොවේ. උමතු රෝග හෝ උණ රෝග වැළදීමට හේතුවන බැවින් ජීවන රේඛාවට කළු ලපය අසුභය. ශීර්ෂ රේඛාවටත් ලපය අසුභ පිහිටීමක් වෙයි. මොලයට සම්බන්ද රුධිර නාළවල දුර්වලතාවන් නිසායි. එවැනි ලප පිහිටන්නේ හෘදය රේඛව මත කළු ලපයක් පිහිටීම හෘදයාබාදයක් හෝ වකුගඩු සම්බන්ද රෝගයක් ඇති බව පෙන්නුම් කරන අතර දෛව රේඛාවේ ලප දර්ශනය වේනම් අද‌ාළ වයස් සීමාවේදී තමාගේ ජීවන තත්ත්වයේ පහත වැටීමක් ප්‍රකට කරයි.   


සුඛ රේඛාවේ දිස්වෙන රක්ත වර්ණ ලපවලින් රක්තවාත රෝගයෙන් පෙළෙන රෝගියකු හඳුනාගත හැක. ඉහත ලපවලින් හෙළිවෙන දෝෂ මඟ හැරෙන විදියේ වෙනත් සුබ ලක්ෂණද සමහර අයගේ අත්වල පිහිටිය හැකි බැවින් සමස්තයක් වශයෙන් අනිකුත් ලක්ෂණද බලා පලාඵළ ප්‍රකාශ කළ යුතුය.  

 

 

 

 

 

 

 

 

 

 

 


හිඹුටානේ 
පියතිලක ද අල්විස්  
158, හිඹුටාන (රෝහල ඉදිරිපිට)  
මුල්ලේරියාව නව නගරය  
දු.අ 0112419574, 0716212020   



අදහස් (0)

අත්ලේ පිහිටි ලප වලින් හෙළි​ෙවන රහස්

ඔබේ අදහස් එවන්න

 

 

සඳැල්ල

තමන්ගේ පුතා උස්සාගෙන ගහින් මරා දමද්දී මනොරානී ඒක කොහොම දරාගන්න ඇතිද?... ස්වර්ණා මල්ලවාරච්චි
2025 පෙබරවාරි මස 06 72 0

“මට හිටපු එකම රිචඩ් මගෙන් උදුරවා ගත්තට පස්සෙ මට ආයෙ නැති වෙන්න දෙයක් නෑ කියලා මම හිතුවා.


තක්සලාවට දුෂ්ටකම් කළ ලූකස් මුදලාලි - ගිරිරාජ් කෞෂල්‍ය
2025 පෙබරවාරි මස 06 35 0

ක්ෂේත්‍රයේ හැම දෙනාටම ගිරා වන ගිරිරාජ් කෞශල්‍ය ආගමට දහමට ලොකු ළැදියාවක් දක්වන අයෙකි.


පිය සුවඳින් රසිකයන් පිනවන - තරංග නෙල්සන්
2025 පෙබරවාරි මස 06 35 0

මේ අමරණීය ගායන ශිල්පියා නිහාල් නෙල්සන් අපෙන් සමු අරගෙන දැනට අවුරුදු දෙකයි. ඔහුගේ පිය සටහන් ඔස්සේ යමින් රසික ආදරය දිනා ගැනීමට තරම් වාසනාවන්ත වූ ඔහුගේ එ


මාස්ටර් සර් වුණු විශ්ව
2025 පෙබරවාරි මස 06 30 0

වසර 17ක් පුරාවට කලාව හා සම්බන්ධ වෙමින් පුංචි තිරයේ අහිංසක ප්‍රේමවන්තයා ලෙස ප්‍රේක්ෂක ආදරය දිනා ගත් ඔහු නමින් විශ්ව කොඩිකාරයි.


“ විසේකාරි ” හි වාසු මට ගොඩක්ම සමීප චරිතයක් - Ruvi Lakmali
2025 පෙබරවාරි මස 06 25 0

වෙළෙඳ දැන්වීම් ඔස්සේ ප්‍රේක්ෂක ආදරයක්, ආකර්ෂණයක් දිනාගත් ඇය ටෙලි නිර්මාණයකින් සිනමා තිරයෙන් හමු​ෙවන්නේ ඉඳහිට වුවත් - ඒ බොහෝ නිර්මාණ චරිතයන් ප්‍රේක්


කුසුම් නම් වූ ගැහැනු ළමයා - වසන්ති චතුරානි
2025 ජනවාරි මස 30 198 0

ගම්පහ හෝලික්‍රොස් කන්‍යාරාමය පුරාම වසන්ති චතුරානි ප්‍රචලිතව සිටියේ ෆිල්ම් ස්ටාර් වශයෙනි.


මේවාටත් කැමතිවනු ඇති

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක් 2025 පෙබරවාරි මස 07 54 0
Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 114 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 862 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

Our Group Site