නයිනමඩම චන්දන ප්රනාන්දු
පොලිස්පති පූජිත් ජයසුන්දර මහතාගේ උපදෙස් මත රටපුරා ඊයේ (23) රාත්රියේ සිදුකල විශේෂ මෙහෙයුමකට අනුව දන්කොටුව පොලිස් බල ප්රදේශයේ මොහොට්ටිමුල්ල ප්රදේශයේ සිදුකල වැටලිමකදී මොහොට්ටිමුල්ල පොදු සුසාන භුමියේ මළ සිරුරක් දමා තිබු කොන්ක්රීට් වලක, ගෝඩා බැරල් සඟවා කසිප්පු ජාවාරමක් සිදුකල වෙන්නප්පුව ප්රාදේශිය සභාවේ මන්ත්රීවරයෙකුගේ සහෝදරයෙකු කියන අයෙකු සැකපිට අත්අඩංගුවට ගත් බව දන්කොටුව පොලිසිය පවසයි.
සැකකරු එම මිනිවලේ තිබු සිරුරු කොටස් ප්ලාස්ටික් උරයක බහා ගොඩට ගෙන පැත්තකින් ගෝඩා බැරල් කසිප්පු නිපදවීම සඳහා තබා ඇති බවට තොරතුරු හෙළි වු බව පොලිසිය කියයි.
මෙලෙස අත් අඩංගුවට ගෙන ඇත්තේ 33 හැවිරිදි අයෙකි
කාලයක සිට මෙම සුසාන භූමිය තුල කසිප්පු ජාවාරම කරගෙන ගොස් ඇති බවත් ප්රදේශයේ සිදුවන බොහෝ අපචාර සිදුවීම්වලට මෙම පුද්ගලයා සම්බන්ධ බවට තොරතුරු හෙළි වි ඇති බව කරුණු අනාවරණය කරගෙන තිබේ.
එම වලේ තිබි ගෝඩා බැරල් 3 ක් හා නිවසේ තිබි ගෝඩා බැරල් 2 ක් සොයාගත් බවත්, සැකකරුගේ නිවස සුසාන භුමිය මායිමේම පිහිටීම නිසා මෙම ජාවාරම කරගෙන යාමට පහසුවක් වි ඇති බවත් පොලිසිය වැඩිදුරටත් කියයි.
දන්කොටුව පොලිස් ස්ථානාධිපති පොලිස් පරික්ෂක තිළිණ හෙට්ටිආරච්චි මහතාගේ මෙහෙයවිමෙන් මෙම වැටලීම සිදුකර තිබේ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
සුසාන භූමියේ ගෝඩා බැරල්
sam Saturday, 24 March 2018 06:58 AM
පොලිසියේ රාජකාරිය මේකයි කියලා මතක් වෙච්ච දවස් වලටවත් (ඊයෙත් එහෙම දවසක් වෙන්න ඇති ) මේවගේ මෙහෙයුම් කලාම කාටද ආඩම්බර ??