2023 පෙබරවාරි මස 04 වන සෙනසුරාදා
(කුෂාන් ජයවර්ධන)
රුපියල් ලක්ෂ දෙකකට අලෙවි කිරීමට සූදානම් කර තිබූ දිවි හම් දෙකක් බවට අනුමාන කෙරෙන සත්ත්ව හම් දෙකක් පොලිස් උපාය දූතයකු යොදවා අත්අඩංගුවට ගත් බව ඉපලෝගම පොලිසිය පවසයි.
කලා වැවේ වැව් බැම්ම මත දී අදාළ දිවිහම් දෙක හා සැකකරු අත්අඩංගුවට ගෙන ඇති අතර ඉපලෝගම පොලිස් ස්ථානයේ දූශණ මර්දන අංශයට ලද තොරතුරක් අනුව ඒවා විකීණීමට රැගෙන ආ අවස්ථාවේ පොලිස් නිලධාරීන් කණ්ඩායමක් වැටලීමක් සිදුකර සැකකරු හා කොටි හම් දෙක අත්අඩංගුවට ගෙන තිබේ.
දිව හම් බවට අනුමාන කෙරෙන එම හම් දෙක මල්ලක බහා ඒ මත එළවලූ අසුරා එළවලූ මල්ලක් ප‍්‍රවාහණය කරන අයුරින් සැකකරු ත‍්‍රී රෝද රථයකින් ප‍්‍රවාහනය කරමින් සිටියදී පොලිස් අත්අඩංගුවට ගෙන ඇත.සැකකරු සන්තකයේ තිබී අත්අඩංගුවට ගත් එක් සත්ව හමක් දිග අඩි හතර හමාරකට ආසන්න වන අතර අත්අඩංගුවට ගෙන ඇති අනෙක් හම දිග අඩි පහක් පමණ වන බවත් රුපියල් ලක්ෂ දෙකකට එම හම යුගල සැකකරු විසින් විකිණීමට සූදානම්කර තිබූ බවත් පොලිසිය කියයි.
